Business

निगमले घटायो हवाई भाडा

Nami News
सोमबार, जेठ २४, २०७८

काठमाडौ । नेपाल आयल निगमले अन्तर्राष्ट्रिय हवाई इन्धनको मूल्य घटाएसँगै सरकारी स्वामित्वमा सञ्चालित नेपाल वायुसेवा निगमले उडान भाडादर घटाएको छ ।

इन्धनको मूल्य घटेसँगै सोमबारदेखि नै लागुहुने गरी कार्गो तथा चार्टर्ड उडानको भाडादर घटाइएको निगमका प्रवक्ता करिश्मा श्रेष्ठले जानकारी दिएको हो । 

प्रवक्ता श्रेष्ठका अनुसार निगमले वाइडबडी विमान (एयरबस ३३०) मा साबिकको मूल्यको तुलनामा १३ प्रतिशत र न्यारोबडी (एयरबस ३२०) जहाजमा १५ प्रतिशतले शुल्क घटाएको छ ।

नयाँ मूल्य अनुसार अब वाइडबडी जहाजको चार्टर्ड तथा कार्गो उडानको भाडादर प्रतिघण्टा अमेरिकी डलर १३ हजार ४६० कायम गरिएको छ। 

यसअघि उक्त जहाजको भाडादर १५ हजार ५२० डलर रहेको थियो । आयल निगमले वाइडबडी जहाजको भाडादरमा २ हजार ६० डलर घटाएको हो।

यसैगरी निगमसँग रहेको न्यारोबडी जहाजको भाडादर प्रतिघण्टा ६ हजार ५८० बनाइएको छ । यसअघि उक्त जहाजको भाडादर ७  हजार ७१० डलर रहेको थियो । निगमले उक्त जहाजको भाडादर १ हजार १३० डलरले घटाएको छ।

महँगो हवाई इन्धनका कारणले नेपालको पर्यटन उद्योगमा परेको नकारात्मक प्रभाव तथा अन्तर्राष्ट्रियजगतमा नेपालको प्रतिष्ठामा असर परेको भन्दै निगमका महाप्रबन्धक डिमप्रकाश पौडेलले हवाई इन्धनको शुल्क घटाउन आग्रह गर्दै आएको थियो।

नेपाल आयल निगमले आइतबार राति १२ बजेदेखि लागू हुने गरी हवाई इन्धनको मूल्य घटाएको हो । निगमले एकैपटक प्रतिकिलोलिटर अमेरिकी डलर १७८ ले मूल्य घटाएको हो ।

यसअघि अमेरिकी डलर ८९३ प्रतिकिलोलिटर रहेको अन्तर्राष्ट्रिय हवाई इन्धनको मूल्य प्रतिलिटर ७१५ कायम गरिएको छ।



Published Date: 2021-06-07 14:55:00
Nepal Oil Corporation Nepal Airlines
Comments

More News

आर्थिक वर्ष २०७८/७९ को बजेट विनियोजन
आर्थिक वर्ष २०७८/७९ को बजेट विनियोजन सोमबार, जेठ २४, २०७८, १४:५५:००
शेयर कारोवारमा पहिरो
शेयर कारोवारमा पहिरो सोमबार, जेठ २४, २०७८, १४:५५:००
शेयर कारोवार मापक नेप्सेमा वृद्धि
शेयर कारोवार मापक नेप्सेमा वृद्धि सोमबार, जेठ २४, २०७८, १४:५५:००
Ncell