Social

कविता : हजुर मान्छे भित्रको मान्छेले

Nami News
बिहीबार, जेठ २७, २०७८

परिस्थितिको भारले थाकेर 
सेलाएकी म
निराशाको खास्टोले बेरिएर
मस्त निद्रामा निदाएकी 
शब्दहरूसँग हतासिएर
शून्यतामा हुत्तिदै
अभाव र आबश्यकताको भुङ्ग्रोले
सेकिएकी म
जिन्दगीका केही भोगाइ
केही धमिलो अदृश्य 

अनगिन्ती ईच्छाहरुलाई
फर्मालिनमा डुबाई
मौनतामा अल्झिरहेकी थिए।
अनायास निराशाको बादल हटेर
निदाएकी मलाई ब्यूझायो
र म मान्छे भित्रको मान्छे बोध
भयो
र उर्जा थपियो यतिखेर
तब त म पुनः 
कवितामा जीवन खोजिरहेकी छु
कविता जस्तो कविता लेख्न 
मनभित्र उर्लिएको भेल 
बाँध बाँध्दै
हरेक दिन नयाँ कवितामा
खुशी र सुखको
शिरानीमा
सुखानुभुती गरि रहेको छु
चौडा छातिको आडमा
धन्य कविता!!
मान्छे भित्रको मान्छे ।
 



Published Date: 2021-06-10 22:12:00
Nepal Oil Corporation Nepal Airlines
Comments
Ncell