Sports

जापानमा ३२ औं गृष्मकालीन ओलम्पिक शुरु

Nami News
बुधबार, साउन ६, २०७८

काठमाडौ। जापानमा हुने भनिएको ३२ औं गृष्मकालीन ओलम्पिकको खेलहरु आजदेखि शुरु भएको छ। 

टोकियोमा पर्सि शुक्रबार उद्घाटन हुने ओलम्पिकको केही खेल भने २ दिनअघि नै शुरु भएको हो। 

जसअनुसार आज सफ्टबलको प्रतिस्पर्धा शुरु भएको छ । आज बिहान जापान र अष्ट्रेलियाबीचको सफ्टबल खेल भएपछि टोकियो ओलम्पिकको खेल शुरु भएको हो । 

जापानका पिचर युकिको यएनोले सफ्टबलको पहिलो बल हानेकी थिइन् । आजै सफ्टबलका अरु दुई खेल पनि हुँदैछ। 

सन् २००८ पछि हटाइएको सफ्टबल टोकियोमा पुनः समावेश गरिएको हो । फुकुसिमा अजुमा बेसबल स्टेडियममा भएको पहिलो खेलमा जापानले अष्ट्रेलियालाई ८–१ ले पराजित गरेको छ ।

आजै महिला फुटबलअन्तर्गत समूह चरणका ६ खेल हुँदैछन् । पाँच वर्षपछि हुन लागेको ओलम्पिकमा विश्वभरका करिब ११ हजार खेलाडीले प्रतिस्पर्धा गर्दैछन् । 

टोकियोमा अहिले कोरोना भाइरसले गर्दा आपतकाल घोषणा गरिए पनि ओलम्पिकका खेलहरु विना दर्शक कोभिड–१९ को प्रोटोकल पालना गरेर खेलाइँदैछ । 
 



Published Date: 2021-07-21 15:57:00
Nepal Oil Corporation Nepal Airlines
Comments
Ncell