काठमाडौं। कोरोना विरुद्धको भ्याक्सिन तयार हुन थालेको छ। जसको प्रभावकारिता ७० प्रतिशत हुन थालेको बेलायतको अक्सफोर्ड युनिभर्सिटीले एक्स्ट्राजेनेकासँग मिलेर बनाइरहेको कोरोना भाइरसविरुद्धको भ्याक्सिन भएको बीबीसीले जनाएको छ।
बीबीसीले अक्सफोर्डले बनाइरहेको भ्याक्सिनले कोरोना संक्रमण रोक्न हाललाई ७० प्रतिशत प्रभावकारी भएको दाबी गरेको छ। अन्तिम चरणको मानव परीक्षणमा यो भ्याक्सिन कोभिड–१९ विरुद्ध ७० प्रतिशत प्रभावकारी पाइएको हो। यसअघि अमेरिकी कम्पनीहरु फाइजर र मोडेर्नाले बनाइरहेको भ्याक्सिन भने संक्रमण नियन्त्रण गर्न ९५ प्रतिशत प्रभावकारी रहेको दाबी गरिएको थियो। अक्सफोर्डले बनाएको भ्याक्सिन भने अरु दुई भ्याक्सिनको तुलनामा निकै सस्तो र भण्डारण गर्न सजिलो हुने बताइएको छ।
यो भ्याक्सिनको लागि बेलायत सरकारले यसअघि नै १० करोड डोज प्रि–अर्डर गरिसकेको छ। जसबाट पाँच करोड मानिसलाई भ्याक्सिन दिन सकिने बताइएको छ। यो भ्याक्सिनको अन्तिम चरणको मानव परीक्षण ब्राजिल र बेलायतका २० हजार स्वयंसेवकमा गरिएको हो। यी मध्ये आधालाई कोरोनाको भ्याक्सिन दिइएको र आधालाई डमी भ्याक्सिन दिइएकोमा कोरोना भ्याक्सिन लिएका ३० जनामा संक्रमण देखिएको थियो भने डमी भ्याक्सिन दिइएका १०१ जनामा संक्रमण देखिएको थियो।
प्रकाशित मिति: सोमबार, मंसिर ८, २०७७ १९:३७
-1777773700.jpg)
