काठमाडौ । डिश मिडिया नेटवर्क लिमिटेड (डिशहोम) ले सामाजिक उत्तरदायित्व अन्तर्गत वालकल्याण आधारभुत विद्यालयलाई शैक्षिक सामग्री सहितको झोला वितरण गरेको छ ।
मादी-९, मुग्रीवेशीस्थित आयोजित शैक्षिक सामग्री वितरण तथा अन्तर्क्रिया कार्यक्रमकाविच विद्यालयका ११० जना बिद्यार्थीहरुलाई शैक्षिक सामग्री सहितको झोला डिशहोमका एरिया सेल्स म्यानेजर प्रदिप सुबेदीले वितरण गरेको हो ।
डिशहोमको सामाजिक उत्तरदायित्व अन्तर्गत लोकप्रिय कार्यक्रममा ऐक्यवद्दता जनाउदै नयन वचत तथा ऋण सहकारी सस्थाका अध्यक्ष टिकाराम सापकोटाले सहकारीकोतर्फवाट वाटर डिस्पेन्सर, पानीको जार, डस्टविन, लगाएत अन्य सामाग्रीहरु बिद्यालयका प्रधानाध्यापक विष्णुहरि अधिकारीलाई हस्तान्तरण गरेको थियो।
हस्तान्तरण कार्यक्रम समारोहमा विद्यालय व्यवस्थापन समितिका अध्यक्ष्य विनोद नेपाली, डिसहोमका एरिया सेल्स मेनेजर प्रदिप सुबेदी, सेल्स अफिसर बिमलमान थापा, खेमराज देवकोटा, सहकारीका प्रतिनिधिहरु, विध्यालयका शिक्षकहरु, अभिभावक र विद्यार्थीहरुको उपस्थित रहेको थियो।
शैक्षिक सामग्री वितरण तथा अन्तर्क्रिया कार्यक्रमलाई सम्वोधन गर्दै प्रदिप सुबेदीले डिशहोमले देशैभरिका बिद्यार्थीहरुको उज्वल भविष्यको लागि निरन्तर उत्तरदायित्व बहन गर्दै आइरहेको जानकारी गराएका थिए।
प्रकाशित मिति: आइतबार, वैशाख ४, २०७९ १३:१३
