चितवन । गैरआवसिय नेपाली संघका अफ्रिकास्थित राष्ट्रिय समन्वय समितिहरुको संयुक्त अभियानमा चितवनको रत्ननगर अस्पताललाई १० थान अक्सिजन सिलिण्डर प्रदान गरेको छ ।
हस्तान्तरण समारोहमा रत्नगर नगरपालिकाका मेयर नारायण वनलाई अक्सिजन सिलिण्डरहरु एनआरएनए सेसेल्सकी अनिता थापाले अफ्रिकाका गैरआवासिय नेपालीहरुका तर्फबाट प्रदान गरेको हो ।
मेयर बनले अफ्रिकाका एनआरएनलाई यस बिषम अबस्थामा रत्नगरलाई सहयोग गरेकोमा हार्दिक आभार ब्यक्त गरेका थिए। रत्ननगर अस्पताल ब्यबस्थापन समितिका पूर्व अध्यक्ष देबेन्द्र श्रेष्ठलगाएत लगायत प्रबुद्ध ब्यक्तित्वहरुको उल्लेख्य उपस्थिति रहेको थियो।
यस पूण्यकार्यको लागि अफ्रिकाका एनआरएनए राष्ट्रिय समितिहरुलाई धन्यवाद ब्यक्त गर्दै एनआरएनएका पूर्व अध्यक्ष जिवा लामिछनेले थप अक्सिजन सिलिण्डर यस अभियानमार्फत रत्ननगर अस्पताललाई उपलब्ध गराउने भएको छ। चितवनका लागि एनआरएनए अफ्रिकाको अक्सिजन आपूर्ति अभियानको संयोजन एनआरएनए सेसेल्सका अध्यक्ष रामप्रसाद पन्तले गर्दै आएका छन्।
एनआरएनए राष्ट्रिय समन्वय समिति सेसेल्स र घानाले यसको लागि आर्थिक सहयोगको समन्वय गरिरहेका छन्। एनआरएनए अफ्रिका क्षेत्रका संयोजक रोशन थापाले अक्सिजन नपाएर आपन्तहरुको ठूलो संख्या देशभर मृत्युवरण गरिरहेको यो दुखद घडीमा थोरै भएपनि अफ्रिकाबासी नेपालीहरुका तर्फबाट सहयोग गर्न खोजिरहेका छौ उनले भने।
थापाका अनुसार आजभोलिमै कैलालीको टीकापुर, बाराको सिमरा लगायत पाल्पा गुल्मी, पूर्व नवलपरासी, स्याङ्जा, पर्सा र इलामलगाएतका जिल्लाहरुमा अक्सिजन आपूर्तिको सहयोग हुदैछ । हिजो मात्रै पश्चिम नवलपरासीको परासी अस्पतालमा ६० थान सिलिण्डर अक्सिजन हस्तान्तरण गरि सकिएको छ ।
संघका निबर्तमान कोषाध्यक्ष हिक्मत थापाले मुलत अक्सिजन नपाएर प्रत्यक दिन देशका विभिन्न अस्पतालहरुमा दुई सयभन्दा बढी नागरिकको ज्यान जानू बिडम्बना भएकोले संसारभरका एनआरएनले तत्काल आआफूले गर्न सक्ने अक्सिजन सिलिण्डर सहयोग अस्पतालहरुमा ढिलो नगरी पुर्याउन अनुरोध गरेका छन ।
अफ्रिकाका एनसीसीहरुको यो प्रशंशनिय कार्यमा थप सहयोग गर्न सबै एनआरएनहरुलाई संघका निबर्तमान कोषाध्यक्ष थापाले आह्वान समेत गरेका छन ।
प्रकाशित मिति: बिहीबार, वैशाख ३०, २०७८ १८:१०
