अष्ट्रेलिया । विस्वब्यापी महामारीको रुपमा देखा परेको मानव इतिहासकै अहिलेसम्मकै भयाबह कोभिड-१९ को पहिलो चरणको प्रभाबले थिलथिलो पारेको हाम्रो मातृभूमि नेपाल त्योभन्दा भयाबह दोस्रो लहरको चपेटामा नराम्ररी परेको छ।
नेपालमा देखा परेको समस्याको डरलाग्दो अवस्थाले गर्दा यसमा अमेरिका, बेलायत, अस्ट्रेलियाका सरकारमा समेत गंभिर रुपमा ध्यानाकर्षण भएको छ र ती सरकारहरुले धमाधम ठूलो सहयोग गर्न शुरु गरिसकेको छ।
बहुराष्ट्रिय निकायहरुको पनि कोभिड-१९ ले नेपालमा सिर्जना गरेको आपतकालिन अवस्थाका कारण ध्यानाकर्षण गर्न शुरु गरिसकेको छ र यसको प्रतिकृया स्वरुप सञ्चालनमा ल्याइएको घटना व्यबस्थापन प्रणालीसंगै विस्व स्वास्थ्य संगठनले धेरै कर्मचारीहरु नयाँँ सुपरिबेक्षकका अन्तर्गत नयाँँ भूमिकाका साथ प्राबिधिक सहयोगमा उत्रिसकेको छ।
बच्चामा रोग क्षमता शक्ति स्वाभाबिक रुपमा कम हुने भएकोले अहिलेदेखि तयारी गरिएन भने सम्हाल्न नसकिने भन्दै बिज्ञहरु चिन्ता ब्यक्त गरिराखेका छन ।
कोभिडको पहिलो लहरमा संक्रमितमध्ये बालबालिका २ प्रतिशतभन्दा कम भएकोमा हालको दोस्रो लहरमा कुल संक्रमितमा बालबालिकाको हिस्सा करिब १० प्रतिशत छ । कोभिड-१९ को तेस्रो लहर छिट्टै आउन सक्ने भन्दै अहिले नै तयारी थाल्न विज्ञहरूले जोड दिएका छन् ।
यस्तो बिषम परिस्थितिमा कुनै पनि देशमा बस्ने नेपाली मौन रहन सक्तैन । यसै सन्दर्भमा गोरखा घर भै विस्वभरी छरिएर रहेका गोरखालीहरुको विस्वब्यापी सञ्जाल ग्लोवल गोरखा समाजले आफ्नो जन्मभूमिमा आइपरेको यो गहिरो संकटप्रति आफ्नो दायित्व महसूस गर्दै यो भयाबह संक्रमणबाट हुनसक्ने अकल्पनिय क्षतिको न्यूनिकरणको लागि जति सक्दो छिटो सहयोगको आवस्यकता रहेकाले फेस मास्क, अक्सिमिटर तथा अक्सिजन कन्सन्ट्रेटर जस्ता अत्यावस्यक स्वास्थ्य सामाग्रीहरु सक्दो सहयोग गर्ने अठोट गरी विस्वब्यापी रुपमा कोष संकलन गरिरहेको छ ।
नेपाली संस्कृतिको संरक्षण र प्रबर्द्धन गर्ने अभिप्रायले अस्ट्रेलियामा पहिलो पटक गाइजात्रा कार्यक्रम आयोजना गर्ने, नेपालमा एम्बुलेन्स प्रदान गर्ने लगायतका थुप्रै सामाजिक काम गर्दै आएको गोरखा समाज अष्ट्रेलियाले पनि ग्लोवल गोरखा समाजको यो उद्धेस्य प्राप्ती कार्यमा अस्ट्रेलियामा पनि कोष संकलन गरिराखे छ ।
गोरखा समाज अष्ट्रेलियाका सल्लाहकार समेत रहेका लुम्बिनी-कपिलवस्तु विस्व अभियानका विस्व संयोजक एबं अन्तर्राष्ट्रिय नेपाली कलाकार समाज ‘इनास’ का विस्व सल्लाहकार श्रेष्ठले परिवारका सदस्यहरु प्रभा देवी श्रेष्ठ, पुरक श्रेष्ठ र पुजा श्रेष्ठ सबैका तर्फबाट १ हजार १ सय ११ डलर जम्मा गरिदिएको जानकारी गराउँदै सबैले आ-आफ्नो क्षमता अनुसार सहयोग गर्न पनि हार्दिक अनुरोध गरेको छ ।
प्रकाशित मिति: सोमबार, जेठ १०, २०७८ ०९:३४
