ललितपुर । नेपाली साहित्य आकाशका विलक्षण प्रतिभाका धनी कवि तथा साहित्यकार प्रज्ज्वल घिमिरेलाई मातृशोक परेको छ।
नामी साप्ताहिक तथा नामीन्यूज डटकमका विशेष संवाददाता समेत रहेका कवि तथा साहित्यकार घिमिरेलाई मातृशोक परेको हो।
अन द स्पट कविता लेख्न सक्ने अतुलनीय क्षमता बोकेका कवि तथा साहित्यकार घिमिरेको ममतामयी आमा पूर्णिमा घिमिरेको असार ३१ गतेका दिन बीर अस्पतालमा उपचारका क्रममा दुःखद निधन भएको थियो ।
आज शुक्रवार दिवंगत आमाको तेह्रदिने पूण्यतिथिको क्रिया कर्म सम्पन्न भएको जानकारी कवि तथा साहित्यकार घिमिरेले दिएका छन्।
स्वर्गवासी पूर्णिमा घिमिरेको तीन सन्तानमा कवि तथा साहित्यकार घिमिरे माहिलो सन्तान हुन्। जेठो छोरा उज्ज्वल घिमिरे नेपाली चलचित्र उद्योगका उज्ज्वलमय विख्यात अभिनेता तथा निर्देशक हुन्।
नेपाली कथानक चलचित्र आदर्श नारीवाट अभिनय यात्रा शुरुगरेका घिमिरेको नोटेसेबल चलचित्र सन्तान हो। त्यसपछि, चलचित्र बसन्तीमा समेत अभिनय गरेका घिमिरेले धेरैजसो अभिनय पाकिस्तानी चलचित्रमा गरेका थिए। बढी चलचित्र निर्देशनमा व्यस्त बने ।
जिन्दगानी, विश्वास, भुली गए पाप लाग्ला, शुभकामना लगायतका दर्जनौ सफल चलचित्रका निर्देशक समेत रहेका घिमिरे केही समयदेखि अमेरिकामा बसोबास गर्दैआएका छन्।
निर्देशक घिमिरे आमाको निधनको सातौ दिनमा मात्र अमेरिकाको कोलारोडोवाट नेपाल फर्कन पाएका थिए। अमेरिकाको क्यालिफोर्नियामा रहेकी कवि तथा साहित्यकार प्रज्ज्वल घिमिरे र चलचित्रकर्मी उज्ज्वल घिमिरेका एक मात्र बहिनी संगीता घिमिरे भने, आमा पूर्णिमाको बीर अस्पतालमा उपचार हुदैगर्दा नै नेपाल आइपुगेकी थिइन्।
नेपालमा आमाको उपचारमा कुनै कसर नराखेका भाइ प्रज्ज्वल, बुहारी माया कुमारी रुवाली र बहिनी संगीताप्रति कृतज्ञता व्यक्त गर्ने चलचित्रकर्मी उज्ज्वल घिमिरेले यो दुःखद घडीमा आफूहरुलाई शोक समवेदना प्रकट गर्ने सवैलाई धन्यवाद तथा आभार व्यक्त गरेका छन्।
प्रकाशित मिति: शुक्रबार, साउन १२, २०८० २०:१९
