काठमाडौँ । नेपाल स्टक एक्सचेञ्ज (नेप्से) परिसूचकमा दोहोरो अङ्कको गिरावट देखिएको छ।
आजको कारोबारमा नेप्से परिसूचक १७ दशमलव ५६ अङ्कले घटेर १ हजार ९ सय ५८ दशमलव ७२ को बिन्दुमा कायम भएको हो।
विभिन्न कम्पनीका दुई सय ८१ कम्पनीको ३९ लाख ६५ हजार नौ सय १७ कित्ता शेयर ५५ हजार ९६ पटक खरिदबिक्री हुँदा १ अर्ब १९ करोड ९१ लाख १ हजार ३ सय २४ बराबरको कारोबार भएको नेप्सेले जनाएको छ।
सबै समूहको उपसूचक रातो देखिँदा सबैभन्दा धेरै व्यापार समूह १ दशमलव ४७ र जलविद्युत् समूहको उपसूचक १ दशमलव ३८ प्रतिशतले घटेको छ। त्यस्तै, बैंकिङ ० दशमलव ६१, विकास बैंक एक दशमलव २२, वित्त १ दशमलव २७ र होटल तथा पर्यटन समूह १ दशमलव २३ प्रतिशतले घटेको छ ।
लगानी समूहको उपसूचक शून्य दशमलव ९३, जीवन बीमा शून्य दशमलव ८२, उत्पादन तथा प्रशोधन ० दशमलव ७२, लघुवित्त ० दशमलव ८५, म्युचुअल फन्ड ० दशमलव ८०, निर्जीवन बीमा ० दशमलव ६९ र अन्य समूहको उपसूचक १ दशमलव ०५ प्रतिशतले घटेको छ।
समता घरेलु लघुवित्त वित्तीय संस्था लिमिटेडको शेयर मूल्यमा आज सबैभन्दा धेरै ७ दशमलव ९१ प्रतिशतको वृद्धि देखिएको छ। सबैभन्दा धेरै शेयर मूल्य घट्नेमा भने सामुदायिक लघुवित्त वित्तीय संस्था लिमिटेडको शेयर मूल्य ७ दशमलव ५४ प्रतिशतले घटेको छ।
कारोबार रकमका आधारमा आज सबैभन्दा धेरै सिटिजन लाइफ इन्स्योरेन्स कम्पनी लिमिटेडको ५ करोड ५९ लाख ७० हजार ६ सय ५२ बराबरको कारोबार भएको छ।
कारोबार भएका शेयर संख्याका आधारमा भने नविल ब्यालेन्स फन्ड-२ को १ लाख ८१ हजार ८ सय ४९ कित्ता शेयर किनबेच भएको छ।
प्रकाशित मिति: मंगलबार, असोज १६, २०८० १६:२४
