बिना निवेदन
बिना धितो
बिना ब्याज
बिना कुनै दस्तुर
मेरो दिलको साम्राज्य
अधिकरण गर्न कसरी सक्यौं ?
प्रेमले बाँधेर
मेरो स्वतन्त्रता हनन गरि
फरार तिमी
हलचल गर्न नसक्ने भएकी छु
यता उता कर्याक मर्याक गर्दै
उम्किन नखोजेकी पनि होइन
तर
फुत्किन सकेकी छैन ।
बार बार
तिम्रो सम्झनाका तार बार
चुँडालेर तिम्रो साम्राज्यलाई पास गरि
म पनि लालपुर्जा लिउ झैं लागेको छ ।
दायाँ बायाँका कित्ता पनि मिलान गरि
पुरै एउटै कित्ताको साम्राज्य
मलाई चाहिएको छ ।
चुपचाप थिएँ म
शुरूवात
तिमीले नै गरेका हौं
बेस्सरी हक जताएर
अब त्यो विशाल साम्राज्यलाई
वरिपरि बाट घेरेर
मेरो बनाउनु छ
मात्रै
लालपुर्जामा
"अर्पणा" लेख्नु छ ।
प्रकाशित मिति: आइतबार, असार २३, २०८१ २०:४६
