नेपाली सेनाद्वारा मेडिकल कलेजको प्रेसर कुकर बमलाई डिस्पोज

समाज

Home
समाज
नेपाली सेनाद्वारा मेडिकल कलेजको प्रेसर कुकर बमलाई डिस्पोज

नेपाली सेनाद्वारा मेडिकल कलेजको प्रेसर कुकर बमलाई डिस्पोज

NamiNews- नामीन्यूज शुक्रबार, पुस ५, २०८१

भैरहवा, रुपन्देही । भैरहवास्थित युनिभर्सल कलेज अफ मेडिकल साईन्सेजमा फेला परेको प्रेसर कुकर बमलाई नेपाली सेनाले डिस्पोज गरेको छ ।

मेडिकल कलेजको मालीले रुख काटिरहेको अवस्थामा बिहान करिब साढे १० पुरानो प्रेसर कुकर बम फेला परेको जिल्ला प्रहरी कार्यालय रुपन्देहीका प्रवक्ता प्रहरी नायब उपरिक्षक सुरज कार्कीले जानकारी दिएको हो ।

कार्कीका अनुसार बम पुरानो र खिया लागेको अवस्थामा थियो । नेपाली सेनाले त्यसलाई पड्काएर डिस्पोज गरेको छ।

कसले र कहिले बम राख्यो यो विषयमा केही नखुलेको र अनुसन्धानको क्रममै रहेको उनले बताए । प्रेसर कुकरको ह्याण्डलाई डोरीले बाधेर त्यसमा घडी ब्याट्री लगायतका उपकरण जडान गरिएको थियो ।

ब्यागमा राखेको अवस्थामा कुकर बम फेला परेपछि मेडिकल कलेजले जिल्ला प्रशासन कार्यालयलाई उक्त बस्तु हटाउन आग्रह गरेको मेडिकल कलेजका जनसम्पर्क अधिकृत शुसिल गुरुङ्गले जानकारी दिए ।

बमलाई भैरहवास्थित कालीभक्ति गणको नेपाली सेनाले करिब १ बजे सफलतापूर्वक डिस्पोज गरेको थियो। बम डिस्पोजबाट कुनै पनि प्रकारको क्षति नभएको प्रहरी प्रवक्ता कार्कीले बताए ।