रौतहट । पछिल्लो समय रौतहटमा शृङ्खलाबद्ध नवविवाहिता महिलाको हत्या भएकाे दाबी गरिएकाे छ । मात्र एक महिनाको अवधिमा रौतहटमा तीनजना नवविवाहिता महिलाको हत्या भएको दाबी गरिएको हाे ।
कटहरिया नगरपालिका-१ भासेढवा गाउँमा एकजना नवविवाहिता महिलाको शंकास्पद रुपमा हत्या भएकाे छ । मृतक महिलाको श्रीमान र सासु फरार छन् भने ससुरालाई प्रहरीले पक्राउ गरेको छ ।
हत्या गरेएकी महिला अनकेश यादवको श्रीमती वर्ष २२ कि अल्का यादव हुन् । उनि आफनै घरको सुत्ने कोठाको बेडमा मृत अवस्थामा फेला परेकी थिइन् । घटनाको खबर लगत्तै ईलाका प्रहरी कार्यालय कटहरिया र गरुडाको संयुक्त टोली घटनास्थलमा पुग्दा उक्त महिला उतानो परी मृत अवस्थामा रहेको,निज मृतकले उल्टि गरेकाले घटना शंकास्पद रहेकाे डिएसपी राजन कार्कीले जानकारी दिए ।
उनका अनुसार प्रहरी टोली घटनास्थल पुगेपछी मृतकका श्रीमान अनकेश यादव र सासु बर्ष ४६ की शान्ति देवी फरार रहेको र ससुरा बर्ष ५१ को रामपुकार प्रसाद यादव पक्राउ परेका छन् । अल्काको श्रीमान, सासु, ससुरा मिलेर कुटपिट गरी घाँटी थिचेर हत्या गरिर आत्महत्या देखाउन खोजेको माईती पक्षको दाबी छ ।
दुईसाता अघि मात्र श्रीमतीलाई आत्महत्या गर्न बाध्य बनाएको भन्दै कटहरिया ३ बडेरवा घर भई हाल कटहरिया बजारमा बस्ने अहमद राय भाटको छोरा बर्ष २५ का अरमान राय भाट माथि ईलाका प्रहरी कार्यालय गरुडामा आत्महत्या दुरुत्साहन मुद्दा दर्ता गरेको थियो । उनी हालसम्म फरार रहेका छन् ।
त्यस्तै गत १६ गते जेठमा दुर्गा भगवती गाँउपालिका छेउ खोला किनार झाडीमा अनेक श्रृंगार बाट सजिएकी सुन चाँदीको गहना लगाएकी एक २४ बर्षिया नवविवाहिताको शव फेला परेको थियो । जिल्ला प्रहरी कार्यालय रौतहटले घटना शंकास्पद भएको भन्दै अनुसन्धान सुरु भएको छ । तर हालसम्म घटनाको कारण तथा मृतक महिलाको पहिचान खुल्न नसकेको जिल्ला प्रहरी कार्यालय रौतहटले जनाएको छ ।
प्रकाशित मिति: बिहीबार, जेठ २२, २०८२ १२:३७
