उदयपुर । मदन भण्डारी लोकमार्गको उदयपुर खण्डमा मोटरसाइकल दुर्घटनामा एकको मृत्यु भएको छ ।
जिल्ला प्रहरी कार्यालय उदयुरका सूचना अधिकारी डिएसपी केदारमान दोङका अनुसार बेलका नगरपालिका–६ बस्ने वर्ष ४५ का नबिन राईको मृत्यु भएको पुष्टी भएको हो ।
गएराती बेलका नगरपालिका– ९ रंगलक्ष्मी पेट्रोलपम्प बुद्धचोकबाट रामपुरतर्फ आउदै गरेको प्रदेश १–०५–००१ प १९१३ नम्वरको मोटरसाईकल कलबटको पिल्लरमा ठक्कर खाई दुर्घटना भएको थियो । उक्त दुर्घटना सम्बन्धमा थप अनुसन्धान कार्य भइरहेको प्रहरीको भनाइ छ ।
यसैगरी बेलका नगरपालिका– ५ मा करेन्ट लागेर एक महिलाको मृत्यु भएको छ। जिल्ला प्रहरी कार्यालय उदयपुरका सूचना अधिकारी डिएसपी केदारमान दोङका अनुसार आज शुक्रबार स्थानीय १७ वर्षीया दुर्गा कार्कीको मृत्यु भएको हो।
मृतक कार्कीको आफ्नै घरछेउमा रहेको कुखुराको फार्ममा काम गर्ने क्रममा करेन्ट लागेर छटपटाइरहेको अवस्थामा आफन्तले भेटेका थिए। त्यसपछि तत्काल उद्धार गरी उपचारका लागि बेलका नगर अस्पताल लगेकोमा अस्पतालले मृत्यु भएको घोषणा गरेको हो।
मृतकको शव आवश्यक कानुनी प्रक्रिया पूरा गरी पोस्टमार्टमका लागि नगर अस्पताल बेलटार पठाइएको र घटनाको थप अनुसन्धान भइरहेको प्रहरीको भनाइ छ।
प्रकाशित मिति: शनिबार, जेठ ३२, २०८२ १५:१६
