काठमाडौ । नवनिर्वाचित उपसभामुख इन्दिरा रानाले सिंहदरबारस्थित संसद् सचिवालय भवनमा पदबहाली गरेको छ।
राष्ट्रपति कार्यालय शीतल निवासमा पद तथा गोपनीयताको शपथ लिएपछि उनले सिंहदरबार आएर पदबहाली गरेको हो ।
उनलाई संसद् सचिवलयका महासचिव डा भरतराज गौतम, सचिवहरू र सचिवालयका कर्मचारीले स्वागत अभिवादन गरेको थियो । उनी यही माघ ७ गते प्रतिनिधिसभाको बैठकमा भएको निर्वाचनबाट उपसभामुखमा चयन भएको हो ।
यसअघि राष्ट्रपति विद्यादेवी भण्डारीको समुपस्थितिमा प्रतिनिधिसभाका सभामुख देवराज घिमिमरेसमक्ष प्रतिनिधिसभाका नवनिर्वाचित उपसभामुख रानामगरले पद तथा गोपनीयताको शपथ लिएको थियो ।
राष्ट्रपति कार्यालयमा आयोजना गरेको समारोहका बीच सभामुख घिमिरेसमक्ष उपसभामुख रानामगरले पद तथा गोपनीयताको शपथ लिएको हो ।
सभारोहमा राष्ट्रपति भण्डारी, उपराष्ट्रपति नन्दबहादुर पुन, सभामुख घिमिरे र राष्ट्रियसभाका अध्यक्ष गणेश तिमिल्सिना उपस्थित थियो ।
राष्ट्रिय स्वतन्त्र पार्टीबाट उपसभामुखको रानामगर शनिबार निर्वाचित भएको थियो । उपसभामुख भएपछि उनी पार्टीबाट अलग भएको छ ।
प्रकाशित मिति: सोमबार, माघ ९, २०७९ १९:५०
