काठमाडौ । जनता समाजवादी पार्टी (जसपा) उपेन्द्र यादव र संघीय परिषद् अध्यक्ष डा. बाबुराम भट्टराई समूहले निर्वाचन आयोगमा आधिकारिकता दाबी गरेपछि निर्वाचन आयोगले अर्को अध्यक्ष महन्थ ठाकुर पक्षसँग लिखित जवाफ माग गरेको छ ।
निर्वाचन आयोगको आज बसेको बैठकले लिखित जवाफ पेस गर्न पत्र काटेको आयोगका प्रवक्ता राजकुमार श्रेष्ठले जानकारी दिएको हो ।
आयोगले राजनीति दलको ऐनसम्बन्धी, २०७३ को दफा ४४ को उपदफा २ अनुसार पत्र काटेको हो । उनीहरूको जवाफ आएपछि प्रक्रिया अघि बढ्ने आयोगका प्रवक्ता राजकुमार श्रेष्ठले जानकारी दिए ।
प्रकाशित मिति: आइतबार, असार ६, २०७८ १७:२१
