काठमाडौं। सुन्दरताको महत्व आज मात्र होइन परापूर्वकालदेखि नै रहिआएको छ। आजको २१औं शताब्दीमा सुन्दरताको महत्व अझ यसको महत्व बढेको छ। नारीको सौन्दर्य श्रृङगारले मात्र उजागर हुन सक्दैन। आजभोलि श्रृङगारको साथ साथै शरीर सुहाउँदो डे«सअप गर्न पनि जरुरी छ । यो भनाई सिम्पिसिटी बुटिककी संचालिका बालिका अधिकारीको हो।
झट्ट हेर्दा उनी कुनै फिल्मी नायिका भन्दा कम छैनन्। हँसिलो अनुहार, सबैको राम्रो सोच्ने, सकारात्मक सोचकी धनि बालिका आजभन्दा १२ वर्षअघि महाराजगंञ्जस्थित सिम्पिसिटी बुटिक संचालन गर्दा धेरै आरोह तथा अवरोहको सामना गर्नु परेको बताउँछिन्। एक त बुटिकको लुगा कसले लाउँछ र ? भन्ने सोच थियो ! त्यसमा पनि पैसावाल व्यक्तिहरु मात्र जाने गर्छन् भन्ने मान्यताले गर्दा काम गर्न धेरै नै अफ्ठेरो भएको स्मरण गर्छिन्।
बुटिक संचालिका अधिकारी सधै भन्ने गर्छिन्, "कर्म गर्नुपर्छ फलको आशा नगरौं। एक दिन आफ्नो कामले सफलताले शिखर चुम्छ।" यद्यपि १२ वर्षअघि र अहिलेको अवस्थामा धेरै परिवर्तन भएको बताउँछिन्। शुरुको अवस्थामा आफ्नो काममा धेरै चुनौतीहरुको सामना गर्नु परेको स्मरण गर्छिन्।
एक त बुटिकको बारेमा नै नबुझेको अवस्था थियो भने अर्कोतिर बुटिकमा आउने कतिपय ग्राहककहरुको समयमा नै ड्रेस दिन नसक्दा गाली गर्ने,रिसाउने, घरमै पुर्याइदिनु पर्ने, आफै पनि सिलाउन बस्ने गरेको बताउँछिन्। आफ्नो रहर र रुचिको विषय भएको कारण आफूलाई एक रुपैयाँ नाफा नहुँदा पनि पेशाप्रति सन्तुष्टिको कारण सबै चुनौती र समस्यालाई अवसरको रुपमा लिएको बताउँछिन् संचालिका बालिका अधिकारी।
आफ्नो बुटिकमा सबै तहका मानिसहरुको लागि ड्रेसअप बनाइने बताउँछिन् । सामान्य मानिसदेखि हाई लेवलसम्मको सबै मानिसहरुको लागि सुपथ मूल्यमा ड्रेसहरु तयार गरिने बताउँछिन्। एक पटक मानिसहरु आएपछि फेरि फेरि पनि आउने गरेको र राम्रो प्रतिक्रिया दिने गरेको बताउँछिन्। स्वदेशमा मात्र नभएर विदेशमा समेत आफ्नो बुटिकलाई माया गर्ने र पोशाकको माग भएकोमा गर्व गर्छिन्।
हरेक मानिसको रहर र ईच्छा फरक-फरक हुने गर्छ। आफूले पनि फेशन डिजाइनिङ सिक्छु र बुटिक संचालन गर्छु भनेर इच्छा राखे पनि आफू संग पर्याप्त समय नहुँदा सिक्न पाएको थिइन्। पद्म कन्या कलेजमा मास्टर पढ्दै गर्दा बागबजार स्थित एकाडेमीमा बुटिकको कोर्ष सिक्न जाँदा दिनप्रतिदिन आफूलाई रुचि लाग्दै गएको स्मरण गर्छिन्। जब आफ्नो कोर्ष पूरा गरिन् तब तुरुन्तै उनले बुटिक संचालन गरिन्।
त्यतिखेर कति मानिसहरुलाई के हो यो कस्तो खालको पसल हो भन्ने पनि थाहा नभएको अवस्था थियो भन्छिन्। मानिसहरु पसलमा आउने र कपडा हेर्ने अनि फर्किने गर्थे उनी थप्छिन्। तर, अहिले मानिसहरुको अवस्था र सोचमा परिवर्तन आएकोमा उनी खुशी बनेकी छन्। जस्तो समस्या होस् राम्रो लगाउनु पर्छ भन्ने सोचको विकास भएको उनले खुलासा गरेकी छन्।
प्रकाशित मिति: शनिबार, माघ २९, २०७८ ०९:४०
