काठमाडौँ । ग्लोकल प्रा. लि. द्वारा आयोजित“ग्लोकल टीन हिरो २०२३” को उपाधि श्रुति तिवारीले जित्न सफल भएकी छन्।
किशोर किशोरीहरुमा भएको प्रेरणा र उत्साहलाई प्रस्फुटन गरी उनीहरुले समाजमा गरेको प्रभावकारी कार्यलाई कदर र अरुमाझ चिनाउने कार्यक्रम गोल्छा ग्रुपद्वारा प्रस्तुत ग्लोकल टिन हिरो नेपालको यो नवौं संस्करण हो ।
शिक्षा, उद्यमशीलता, कूटनीति, एवम अन्यविविध क्षेत्रका ब्यक्तित्वहरुको उपस्थितिमा भएको अवार्ड कार्यक्रमको बीच ग्लोकल टीन हिरो नेपाल, २०२३ को घोषणा द् सोल्टी काठमाडौमा गरिएको हो ।
गोल्छा ग्रुपद्वारा प्रस्तुत ग्लोकल टिन हिरोका अन्तिम ६ प्रतिस्पर्धी आर्यन सिग्देल, शिक्षक र अभियन्ता, तनहुँ, अतिथ अधिकारी, सामाजिक उद्यमी, बाँके, माधव खनाल, लेखक, लमजुङ, निराजन रिमाल, विज्ञान उत्साही, काठमाडौं, प्रीति पन्थ, सामाजिक अभियन्ता, गुल्मी र श्रुति तिवारी, वातावरण अभियन्ता, धनुषाबीच प्रतियोगिताको बिजेता चयन गरिएको थियो।
श्रुति तिवारी समाजमा सकारात्मक परिवर्तन ल्याउने आफ्नो समर्पणलाई देखाउँदै विभिन्न सामाजिक र वातावरणीय पहलहरूमा सक्रिय रूपमा संलग्न छिन्।
बालअधिकारका लागि उनले बालविवाह र दुर्व्यवहारको बारेमा सचेतना जगाएकी छिन्, र बालबालिकाको भविष्य सुरक्षित गर्न एकीकृत चाइल्ड क्लब जस्ता संस्थाहरूसँग साझेदारी गर्दै छिन् ।
उनको बालअधिकारको लागि संलग्न हुनुले बालबालिकाको सुरक्षा र भविष्यको लागि गरेको प्रयासलाई दर्शाउँछ । विवाह परिप्रेक्ष्यमा बालविवाह र दुर्व्यवहारको खिलाफ सचेतना जगाउँदा उनको योगदान अत्यधिक महत्वपूर्ण छ ।
उनले “प्लास्टिकम्यान अभियान“ जस्ता प्रभावकारी अभियानहरूमा भाग लिएकी छिन्, जसमा एकल–प्रयोग प्लास्टिकको खपत घटाउँछ। वातावरणमा सकारात्मक प्रभाव पार्दै सेभ द चिल्ड्रेन र डब्लुडब्लुएफ नेपाल जस्ता संस्थाहरूसँग सफल वृक्षरोपण प्रयासको नेतृत्व गरिन्।
त्यस्तै २० भन्दा बढी दलित र जनजाति किशोरीहरुलाई समाजमा सक्रिय भूमिका खेल्न प्रोत्साहित गर्दै सशक्तिकरणको अभियानमा प्रेरित गरिन्।
यो पहल अन्तर्राष्ट्रिय बालिका दिवसको अवसरमा भएको हो । लैङ्गिकसमानता र महिला सशक्तिकरणलाई प्रवद्र्धन गर्दै, उनले LGBTQI+ समुदायलाई पनि समर्थन गरिन्, उनीहरूले सामना गर्ने चुनौती र भेदभावलाई सम्बोधन गर्न छलफलमा संलग्न छन्। उनको प्रयासलाई अन्तर्राष्ट्रिय मान्यता प्राप्त भयो, BBC UK ले उनको उत्कृष्ट कामको लागि उनको अन्तर्वार्ता लिएको थियो।
उनका कामहरूले समाजमा दूरगामी सकारात्मक प्रभाव पारेको छ, वातावरण संरक्षण प्रवद्र्धन, बालबालिकाको अधिकारको संरक्षण, जलवायु परिवर्तन जागरूकता बढाउने, लैङ्गिक समानताको वकालत गर्ने, र अरूलाई थप दिगो र समावेशी संसार सिर्जना गर्न भाग लिन प्रेरित गर्ने, विभिन्न संघसंस्था र समुदायसँगको सक्रिय संलग्नता र सहकार्यबाट उनले १२ बालविवाह र ३ बालदुर्व्यवहारलाई रोक्न र व्यक्ति र समग्र समाजको जीवनमा दिगो प्रभाव छोडेर अर्थपूर्ण परिवर्तन ल्याउन सफल भएकी छन्।
यस बर्षको निर्णायक टोलीमा कोका–कोला कम्पनी नेपालका देश निर्देशक श्री आदर्श अवस्थी, नेपालका लागि UNHCR प्रतिनिधि सुश्री क्यारोलिन स्पन्नुथ वर्मा, ज्योति ग्रुपका निर्देशक श्री सौरभ ज्योति र गोल्छा ग्रुप प्रा. लि का निर्देशक सुश्री सीमा गोल्छा रहेको थियो।
यसबर्षको अन्तिम ६ प्रतिस्पर्धीहरुले क्षमता विकास कार्यशालामा सहभागी हुने अवसर प्राप्त गरेका थिए। अन्तिम ६ प्रतिस्पर्धीकोे कामको सुरुवात र प्रभावको आधारमा र व्यक्तित्व मापदण्ड, ज्ञान र दुर्व्यसनको मापनको लागि अन्तर्वाता भएको समारोहमा २०२३ को बिजेता घोषणा गरिएको थियो।
