काठमाडौ । सरकारले रियलटाइम पीसीआर परीक्षणको शुल्क दोस्रो पटक शतप्रतिशत घटाएको छ।
स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले अब देशभरका पीसीआर परीक्षण गर्ने प्रयोगशालाले अब बढीमा २ हजार रुपैंया शुल्क लिन सक्ने जानकारी दिएको हो ।
मन्त्रालयले शुरुमा पीसीआर परीक्षणको शुल्क ५ हजार ५ सय रुपैयाँ तोकेको थियो । तीन साता अघि यसको मूल्य घटाएर ४ हजार रुपैयाँमा झारेको थियो।
अहिले त्यसको शतप्रतिशत घटाएको हो । डा। गौतमले विश्व बजारमा विश्व बजारमा पीसीआर किट्को मूल्य घटेपछि मूल्य घटाइएको बताएका हुन् भने देशमा हरेक दिन औषत साढे ११ हजारको पीसीआर परीक्षण गर्ने गरिएको मन्त्रालयले जनाएको छ।
यसैवीच स्वास्थ्य मन्त्रालयले देशभर संचालित एम्बुलेन्सहरु गाइडलाईन अनुसार सञ्चालन भएको नपाईए त्यसको दर्ता खारेज गर्ने चेतावनी दिएको छ।
मन्त्रालयको नियमित कोभिड(१९ प्रेस ब्रिफिङमा प्रवक्ता प्राध्यापक डाक्टर जागेश्वर गौतमले एम्बुलेन्स सदुपयोग गर्न अनुरोध गर्दै सचेत गराएका छन्।
स्वास्थ्य मन्त्रालयले छुट्ठाछुट्ठै अस्पतालमा एउटै व्यक्तिको स्वाब पिसीआर परीक्षण गराउँदा फरक(फरक रिपोर्ट आएको भन्ने गुनासोलाई लिएर जाँचपड्ताल शुरु गरिसकेको प्रष्ट पारेको छ ।
मन्त्रालयले बंग्लादेशबाट प्राप्त भएको रेमडेसिभिर औषधि नेपाल स्वास्थ्य अनुसन्धान परिषदको निर्देशिका अनुसार प्रयोग गर्न सुचिकृत भएका अस्पतालहरुमा विरामीको चाप अनुसार वितरण गर्ने तयारी गरिएको जनाएको छ। बंग्लादेशबाट हालै ५ हजार भाइल रेमडेसिभिर औषधि प्राप्त भएको मन्त्रालयले जनाएको छ।
नेपालमा पछिल्लो २४ घण्टामा १ हजार ३९ जना कोरोना संक्रमित थपिएका छन् । देशका विभिन्न प्रयोगशालामा ९ हजार १ सय ६५ जनाको स्वाब परीक्षण गर्दा १ हजार ३९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यससँगै नेपालमा हालसम्म कोरोना भाइरसबाट संक्रमित हुनेको संख्या ५४ हजार १ सय ५९ पुगेको मन्त्रालयका प्रवक्ता प्राध्यापक डाक्टर जागेश्वर गौतमले जानकारी दिएको हो ।
डा। गौतमका अनुसार देशभर १५ हजार १ सय १७ जना सक्रिय संक्रमित रहेका छन्। ति मध्ये ७ हजार ७ सय ३० जना संस्थागत आइसोलेसनमा र ७ हजार ३ सय ८७ जना होम आइसोलेशनमा रहेका छन् ।
संक्रमित मध्ये १ सय ६९ जना आइसियूमा र २३ जना भेन्टीलेटरमा उपचाररत छन् । पछिल्लो २४ घण्टामा देशभरबाट १ हजार १ सय ७३ जना संक्रमणमुक्त भइ डिस्चार्ज भएका मन्त्रालयले जनाएको छ।
हालसम्म डिस्चार्ज हुनेको कूल संख्या ३८ हजार ६ सय ९७ पुगेको छ । यो कूल संक्रमित संख्याका आधारमा ७१ दशमलब ५ प्रतिशत हो। ६ हजार ५ सय ३६ जना क्वारेन्टाइनमा छन् ।
त्यस्तै कोरोना संक्रमणका कारण मुलुकको पछिल्लो २४ घण्टामा थप ९ जनाको मृत्यु भएको छ। स्वास्थ्य तथा जनसंख्या मन्त्रालयले ६ पुरुष र ३ महिलाको कोरोनाकै कारण मृत्यु भएको पुष्टि गरेको हो ।
पुष्टि भएका मृतकहरुमा काठमाडौंका मात्रै ६ जना रहेका छन् । काठमाडौंका ६५ बर्षका २ महिला, ७०, ५९, ६४, ५९ वर्षका ४ पुरुष छन्।
त्यसैगरी कास्कीकी ४५ वर्षीया महिला, मोरङका ६९ वर्षीय र सिन्धुपाल्चोकका ५९ वर्षीय पुरुषको पनि कोरोनाबाट मृत्यु भएको मन्त्रालयले जनाएको छ। योसँगै देशभर हालसम्म कोरोना संक्रमणका कारण मृत्यु हुनेको कुल संख्या ३४५ पुगेको छ।
