काठमाडौँ । जिल्ला अदालत काठमाडौँले बलात्कार मुद्दामा दोषी ठहर भएका क्रिकेटर सन्दीप लामिछानेलाई ८ वर्ष जेल सजाय, जरिवाना र क्षतिपूर्ति गरी ५ लाख भराउने फैसला सुनाएको छ।
न्यायाधीश शिशिरराज ढकालको इजलासले उक्त सजाय सुनाएको हो।
‘गौशाला २६’ लाई बलात्कार गरेको अभियोगमा लामिछानेलाई यही पुस १३ गते अदालतले दोषी ठहर गरेको थियो। निजले पीडितको कमजोर आर्थिक अवस्थाको फाइदा उठाएर बलात्कार गरेको जिल्ला अदालतले ठहर गरेको थियो।
अदालतले लामिछानेलाई ८ वर्ष कैद ३ लाख जरिवाना र २ लाख क्षतिपूर्ति निर्धारण गरेको छ। लामिछानेविरुद्ध गत भदौ २१ गते २०७९ बालिका बलात्कारको उजुरी परेपछि गत असोज २० गते त्रिभुवन अन्तरराष्ट्रिय विमानस्थलबाट पक्राउ गरिएको थियो।
प्रकाशित मिति: बुधबार, पुस २५, २०८० २१:०९
