काठमाडौँ । धितोपत्र बजारमा शेयर कारोबार मापक नेप्से परिसूचक पनि ओरालो लागेको छ ।
नेपाल स्टक एक्सचेञ्जका अनुसार नेप्से परिसूचक १९ दशमलव ५६ अङ्कले ओरालो लागेर एक हजार ९ सय ७२ दशमलव १४ मा सिमित भएको हाे।
ठूला कम्पनीको कारोबार मापन गर्ने सेन्सेटिभ परिसूचक ३ दशमलव ०४ अङ्कले ओरालो लागेर ३ सय ५० दशमलव ४७ मा पुगेको छ । कूल ५३ लाख ४४ हजार ६ सय १३ कित्ता शेयर २ अर्ब ९ करोड ३६ लाख १२ हजार ७ सय ९२ मूल्यमा खरिद बिक्री भएका छन् ।
कारोबार भएकामध्ये गुर्खाज फाइनान्स शीर्ष स्थानमा छ । सो कम्पनीको १७ करोड ८२ लाख ८५ हजार ४ सय ४१ मूल्यमा खरिद बिक्री भएको छ ।
सूर्यज्योति लाइफ इन्स्योरेन्स १० करोड ५१ लाख ३७ हजार ६ सय ७९, पोखरा फाइनान्स ७ करोड ३७ लाख ५५ हजार ६ सय ४६, शिवम् सिमेन्ट ५ करोड ४५ लाख १९ हजार १ सय २३ र हिमालयन रिइन्स्योरेन्स ५ करोड ३० लाख ४९ हजार ५ सय ५१ मूल्यमा कारोबार भई शीर्ष पाँच भित्र पर्न सफल भएका छन् ।
नेप्सेका अनुसार खानीखोला हाइड्रोपावर ७ दशमलव ९४, पोखरा फाइनान्स ५ दशमलव २१, एनआइसी एशिया ग्रोथ फण्ड ५ दशमलव ७१, मध्य भोटेकोशी जलविद्युत् कम्पनी ५ दशमलव ७० र पिपल्स पावरका लगानीकर्ताले ५ दशमलव ५९ प्रतिशतले कमाएका छन् ।
रुरु जलविद्युत् परियोजना ९ दशमलव ९९, गुर्खाज फाइनान्स ९ दशमलव ३९, सिभिल बैंकको ऋणपत्र ८ दशमलव ८९, सिवाइसी नेपाल लघुवित्त ६ दशमलव १२ र एसबिएल ऋणपत्रका लगानीकर्ताले ५ दशमलव ८४ प्रतिशतले गुमाएका छन्।
प्रकाशित मिति: बिहीबार, वैशाख ६, २०८१ १५:५०
