भोजपुर । भोजपुरको टेम्केमैयुङ गाउँपालिका-९ मा रहेको ऐतिहासिक धार्मिक पर्यटकीयस्थल किराँतेश्वर ढुङ्गे बगैँचाको संरक्षण थालिएको छ।
यो ऐतिहासिक क्षेत्रको विकाससँगै जिल्लाको एक पर्यटकीय गन्तव्यको रुपमा स्थापित गराउन यहाँ आवश्यक संरचनासँगै पदमार्ग निर्माण थालिएको हो।
भोजपुरको टेम्केमैयुङ गाउँपालिका-९ मा अवस्थित ऐतिहासिक धार्मिक पर्यटकीयस्थल किराँतेश्वर ढुङ्गे बगैँचाको संरक्षण थालिएको छ।
यहाँका ३ वटा ऐतिहासिक क्षेत्र किरातेश्वर ढुङ्गे बगैँचा, पाँचधारे पोखरी, सिंहदेवी देवस्थलको विकास गर्दै एकिकृत पर्यटकीय क्षेत्र निर्माणको अवरधारणा अनुसार काम भईरहेको छ । यहाँ विस्तृत परियोजना प्रतिवेदन (डीपीआर) तयार गरेर दीर्घकालिन महत्वकासाथ विकास तथा विस्तारको काम थालिएको टेम्केमैयुङ गाउँपालिका-९, का वडाअध्यक्ष नवराज माङ्गपाहाङ्गले बताए ।
यो क्षेत्रको अनुगमन गर्दै यो स्थानलाई रोजाइको पर्यटकीय गन्तव्यको रुपमा स्थापित गराउन आफ्नो तहबाट भूमिका खेल्ने र पर्यटकलाई लक्षित गरेर आवश्यक विकास तथा विस्तारको लागि प्रदेश सरकारको तर्फबाट पनि पहल कदमी गर्ने कोशी प्रदेश राज्यमन्त्री सिर्जना राईले बताईन्।
यहाँको पर्यटकीय क्षेत्रको विकासमा योजनाबद्ध रुपमा काम भईररहेको टेम्केमैयुङ गाउँपालिकाले जनाएको छ। गाउँपालिकाले कृषि र पर्यटनलाई प्राथमिकतासाथ अघि बढाएको छ भने मुन्दुम पदमार्गसँगै यहाँको पर्यटकीय क्षेत्रको योजनाबद्ध विकास गरेर गाउँपालिकालाई आयआर्जनसँग जोड्ने लक्ष्य रहेको टेम्केमैयुङ गाउँपालिकाका उपाध्यक्ष रमादेवी राईले बताईन् ।
यहाँको ऐतिहासिक क्षेत्रको विकास तथा विस्तार थालिएपछि स्थानीयबासी उत्साहित भएका छन् ।किरातेश्वर ढुङ्गे बगैँचा र ऐतिहासिक पाँचधारे पोखरीको ठूलो धार्मिक महत्व रहेको छ । यसको विकास तथा संरक्षणले यहाँको आन्तरिक तथा बाह्य पर्यटकको विकासमा टेवा पुग्ने स्थानीयबासी
स्थानीयबासी टेम्केमैयुङ-९ का स्थानीयबासी राजधन राई र अधिराज राईकाे भनाई छ ।
केन्द्र सरकारको पर्यटन मन्त्रालयको ७७ लाख लागतमा यहाँ ऐतिहासिक संरचनाहरुको विकास गरिएको वडाले जनाएको छ। पर्यटकलाई लक्षित गरेर किरातेश्वर पदमार्ग, किराती चुलाघर, विश्राम स्थल, चौतारा, साखेवा पोखरीलगायतका संरचना निर्माण गरिएको हो ।
प्रकाशित मिति: शनिबार, पुस १३, २०८१ १८:११
