काठमाडौ । नेपाल एसबिआई मर्चेण्ट बैंकिङ्ग लिमिटेडको प्रबन्ध सञ्चालक एवं प्रमुख कार्यकारी अधिकृतमा सन्तोष कुमार भण्डारी नियुक्त भएको छ।
नवनियुक्त कार्यकारी अधिकृत भण्डारीलाई नेपाल एसबिआई मर्चेण्ट बैंकिङ्ग को मिति २०८२ असार १३ गते बसेको सञ्चालक समितिको ७१ औँ बैठकले कम्पनीको प्रबन्ध सञ्चालक एवं प्रमुख कार्यकारी अधिकृतको पदमा सन्तोष कुमार भण्डारीलाई नियुक्त गरेको हो।
यस अघि भण्डारीले नेपाल एसबिआई बैंक लिमिटेडको सुदूरपश्चिम प्रदेश कार्यालय प्रमुख, वित्त तथा योजना विभाग प्रमुख, लेखा परीक्षण विभाग अधिकृतको जिम्मेवारी सम्हाल्दै आएको थियो ।
बैंकिङ्ग तथा वित्तीय क्षेत्रमा १६ बर्ष भन्दा बढीको कार्य अनुभव संगालेका नवनियुक्त प्रमुख कार्यकारी अधिकृत भण्डारीलाई स्रोत तथा साधनको उच्चतम् परिचालन तथा व्यवस्थापन गर्न सक्ने एक कुशल व्यक्तित्वको रुपमा लिइन्छ ।
नेपाल एसबिआई बैंकको पूर्ण स्वामित्व रहेको सहायक कम्पनीको रूपमा स्थापित यस नेपाल एसबिआई मर्चेण्ट बैंकिङ्ग लिमिटेडको चुक्ता पूँजी २० करोड रहेको छ ।
कम्पनीले नेपाल धितोपत्र बोर्डबाट अनुमति लिई निष्काशन तथा बिक्री प्रबन्धक, धितोपत्र प्रत्याभुतिकर्ता, शेयर रजिष्ट्रार, लगानी व्यवस्थापक र संस्थागत परामर्शदाता लगायतका मर्चेण्ट बैंकिङ्ग सेवाहरु प्रदान गर्दै आइरहेको छ ।
प्रकाशित मिति: बुधबार, असार १८, २०८२ ०८:०१
