–प्रज्ज्वल घिमिरे
ललितपुर । सन २०१० मा स्थापना भइ नेपालको दुर्गमदेखि सुगम ठाउँसम्मका सयजना भन्दा बढी वेवारिसे अवस्थामा फोहोरको डङ्गुरमा खानेकुरा खोज्दै गरेका ढलमा सुतिरहेका बाटोमै प्रसव वेदनाका कारण छटपटाइरहेका मनोरोगीहरु पुरुष बच्चा र महिला सबैलाई सफलतापूर्वक पुनस्र्थापना गरिसकेको नेपाल स्नेहीकाखले भर्खरै एउटा अर्को समाजमा सबैका लागि उदाहरणीय र अनुकरणीय कार्य गरेको छ।
शरीरको संवेदनशील अङ्गबाट रगत निरन्तर बगिरहेको कुनै एउटा महिलालाई वेवारिसे अवस्थामा तपाई हामीले देख्यौं भने हाम्रो मन सिरिङ्ग त होला तर हामीसँग तिनको उद्धारको लागि कुनै ठोस कार्य गर्ने हिम्मत हुँदैन तर वेवारिसे अवस्थामा रहेका मानिसहरुको उद्धार गरेर तिनको विग्रिएको स्वास्थ्य अवस्थालाई सुधारेर तिनलाई पुनर्जीवन दिन ठूलो योगदान दिँदै आएको नेपाल स्नेहीकाखले भर्खरै दुई वटा बच्चाकी आमा काभे्र भकुण्डेबेशी घर भएकी ४२ वर्षिय गीतादेवी श्रेष्ठलाई अनाथ आश्रममा आफ्नो बच्चाहरुलाई छोडेर रगत बगाउँदै सडकमा लडिरहेको अवस्थामा फेला पारि उद्धार गरेर नयाँ जीवन दिने प्रयास गरिरहेको छ।
कसैको पनि जीवनमा दुःख कष्ट र पीडा नहोस् सबैलाई गास, वास, कपास र रोग लाग्दा औषधि उपचारको व्यवस्था होस् भन्ने पवित्र उद्देश्य वोकेको नेपाल स्नेहीकाखसँग आवद्ध सामाजिक अभियन्ताहरुले उक्त महिलालाई देख्ने वित्तिकै उद्धार गर्नेअठोटकासाथ ल्याएर भक्तपुर क्यान्सर अस्पतालमा पुर्याएका छन्।
चिकित्सकहरुले उक्त महिलाको पेटभित्र बच्चा मरेर कुहिएको र उनको पाठेघर विग्रिएर किड्नी पनि ड्यामेज भइसकेको र क्यान्सर अन्तिम अवस्थामा पुगेको जानकारी दिँदा आफूहरु स्तब्ध भएको बताउँने नेपाल स्नेहीकाखकी संस्थापक अध्यक्ष श्रीनेहा पोख्रेलले हाल ती महिलालाई बचाउन (ओ पोजेटिभ प्याप्सल) रगत चाहिएको र कसैले उपलब्ध गराउन सके ति महिलाको ज्यान बचाउन सकिने बताउँदै प्राय सबैमा १२ प्वाइन्ट हुनुपर्ने हेमोग्लोविन तिनमा जम्मा ४ प्वाइन्ट मात्र रहेको पनि उनी बताउँछिन्।
हाल नेपाल स्नेहीकाखले आफ्नै खर्चमा उपचार गरिरहेको तर औषधिहरु धेरै महँगो र रेडियशन पनि लगाउँन पर्ने भएकोले उपचार एकदमै खर्चिलो हुँदै गएको कुनैबेला संस्थालाई अप्ठ्यारो पर्दा आफ्नो गरगहना र मोबाइल समेत बेचेर सामाजिक सेवामा तल्लिन रहेकी श्रीनेहा पोख्रेल सबै नेपालीहरुलाई र नेपाल सरकारलाई पनि क्यान्सर रोगबाट पीडित वेवारिसे महिला गीतादेवी श्रेष्ठको ज्यान बचाउँनको लागि नेपाल स्नेहीकाख कुशुन्ती हाइट-१३, ललितपुरमा आएर अथवा कार्यालयको फोन नं. ०१५१९३३८० मा सम्पर्क गरेर अथवा आफ्नो कार्यालयको सचिव केशव प्रसाद रिजालको मोवाइल नं. ९८६००१२०८५ मा सम्पर्क गरी आर्थिक सहयोग गर्न आह्वान गर्छिन् । यदि कसैले सिधै आफूसँग सम्पर्क गर्न चाहेमा मोबाइल नं. ९८०३२०९७२१ मा पनि सम्पर्क गर्न सकिने उनी बताउँछिन्।
साथमा उनी सास रहुञ्जेल आश हुने भएकोले क्यान्सर रोगबाट पीडित महिला गीतादेवी श्रेष्ठको राम्रोसँग उपचार गर्नका लागि उनमा बाँच्ने उर्जा प्राप्त होस् भनेर उनको छोरीहरुलाई उनीसामु ल्याउनका लागि प्रयास पनि भइरहेको दुःख कष्टमा परि मृत्युसँग लडिरहेकाहरुकी जीवनदाता र मानवताको पर्यायकी रुपमा परिचित श्रीनेहा पोख्रेल बताउँछिन्।
आफ्नो संघर्षको कथा टुङ्ग्याउँदै अन्तिममा उनी पुनः सबैलाई गीतादेवी श्रेष्ठको ज्यान बचाउँन आर्थिक सहयोगका लागि आह्वान गर्दै मानवताको बाटोमा हिँड्दा जति संघर्ष गर्नु परेपनि आफू कहिल्यै नथाक्ने, सन्तुष्ट र हर्षित हुने भएपनि बेलाबेलामा आर्थिक कारणले मानवीय उद्धारका लागि चाहेको काम गर्न नपाउँदा ज्यादै पिरोल्लिने बताउँछिन्।
प्रकाशित मिति: आइतबार, साउन २४, २०७८ ०८:२२
