काठमाडौ । नेपाल ओलम्पिक कमिटी (एनओसी)का अध्यक्ष जीवनराम श्रेष्ठ ‘ओलम्पिक काउन्सिल अफ एसिया (ओसिए) मेरिट अवार्ड’बाट सम्मानित भएको छ ।
संयुक्त अरब इमिरेट्स (युएई) मा जारी ओलम्पिक काउन्सिल अफ एसियाको ४०औँ महासभामा अध्यक्ष श्रेष्ठ उक्त अवार्डबाट सम्मानित भएको हो ।
अध्यक्ष श्रेष्ठलाई युएईका युवा तथा खेलकुदमन्त्री र ओसिएका कार्यवाहक अध्यक्ष राजारणधिर सिंहले उक्त अवार्डबाट सम्मानित गर्नुभएको नेपाल ओलम्पिक कमिटीले जनाएको छ।
एनओसीका अध्यक्ष श्रेष्ठसहित महासचिव निलेन्द्रराज श्रेष्ठ शुक्रबारदेखि दुबईमा जारी महासभामा सहभागी छन्।
दुबईमा आयोजित ४०औँ महासभामा चीनको ह्याङझाउमा सन् २०२२, जापानको आइची–नागोयामा सन् २०२६, कतारको दोहामा सन् २०३० र साउदी अरबको रियादमा सन् २०३४ मा हुने एसियाली खेलकुदका आयोजकले आ–आफ्नो प्रस्तुतीकरण गरेका बताइएको छ।
प्रकाशित मिति: सोमबार, मंसिर ६, २०७८ ०८:२२
