काठमाडौ । धितोपत्र बजारमा शेयर कारोबार मापक नेप्से परिसूचक झण्डै ६ अङ्कले उकालो लागेको छ ।
नेपाल स्टक एक्सचेञ्जका अनुसार नेप्से परिसूचक पाँच दशमलब ८८ अङ्कले उकालो लागेर १ हजार ८ सय ८३ दशमलव २० मा पुगेको हो।
यस्तै ठूला कम्पनीको शेयर कारोबार मापन गर्ने सेन्सेटिभ परिसूचक शून्य दशमलव १४ अङ्कले उकालो लागेर तीन सय ५८ दशमलव ३३ मा पुगेको छ।
कारोबार भएका कूल १३ उपसमूहमध्ये चार उपमूहको शेयर मूल्यमा गिरावट आउँदा नौ उपसमूहको शेयर मूल्यमा भने वृद्धि भएको छ।
कूल ४८ लाख २८ हजार ७ सय ७६ कित्ता शेयर १ अर्ब ६० करोड ४ लाख ९२ हजार ७ सय ३१ मूल्यमा खरिद बिक्री भएका छन्। कारोबारका आधारमा शिवम् सिमेन्ट शीर्ष स्थानमा छ । सो कम्पनीको ६ करोड १७ लाख ६५ हजार ४ सय ८० बराबरको शेयर कारोबार भयो।
यस्तै राष्ट्रिय बीमा कम्पनी ५ करोड २८ लाख ९९ हजार ७ सय ५३, तारागाउँ रिजेन्सी होटल ४ करोड १ लाख ३३ हजार ५ सय ३१, नागरिक लगानी कोष ३ करोड ७० लाख ९२ हजार र नेपाल दूरसञ्चार कम्पनी ३ करोड ६४ लाख ९० हजार ५ सय ६४ बराबरको कारोबार भई शीर्ष पाँचभित्र पर्न सफल भएका छन् ।
नेप्सेका अनुसार राष्ट्रिय बीमा कम्पनी र आत्मनिर्भर लघुवित्तको शेयर मूल्यमा १० प्रतिशतको वृद्धि भई सकारात्मक सर्किट लागेको छ।
सनराइज फोकस्ड इक्विटी फण्ड ७ दशमलव ८०, पोखरा फाइनान्स ६ दशमलव १६ र तारागाउँ रिजेन्सी होटलका लगानीकर्ताले ५ दशमलव ५७ प्रतिशतले कमाएका छन् ।
यसैगरी आर्दश लघुवित्त ६ दशमलव ५६, ग्लोबल आइएमई ब्यालेन्स फण्ड पहिलो ५ दशमलव १८, मन्दाकिनी हाइड्रोपावर ४, राप्ती हाइड्रोपावर ३ दशमलब ९५ र एनबीबीएल डिवेञ्चरका लगानीकर्ताले ३ दशमलव ९४ प्रतिशतले गुमाएका छन्।
प्रकाशित मिति: आइतबार, जेठ ७, २०८० १७:२६
