काठमाडौ ।आर्थिक, सांगठनिक प्रतिबेदन र नयाँ योजना सहित ७ बुंदे बिशेष प्रस्ताव पारित गर्दै अडानको छैठौं राष्ट्रिय परिषद् बैठक काठमाडौँमा, सम्पन्न भएको छ ।
कार्की बैंक्वेट, बबरमहल, काठमाडौंमा कार्यबाहक माननीय महालेखापरीक्षक बामदेव शर्मा अधिकारीको प्रमुख आतिथ्यतामा आइक्यानका अध्यक्ष सुजनकुमार काफ्ले, लेखामान बोर्डका अध्यक्ष प्रकाशजंग थापा, लेखापरीक्षमान बोर्डका अध्यक्ष अनुपकुमार श्रेष्ठ, नेपाल चेम्बर अफ कमर्शका बरिष्ठ उपाध्यक्ष कमलेशकुमार अग्रवाल, आइक्यानका उपाध्यक्ष प्रबिनकुमार झा, अडानका निर्बमान अध्यक्ष मोहनराज रेग्मी, संस्थापक अध्यक्ष कमल खरेल लगायतको आतिथ्यतामा सम्पन्न भएको हो।
२०६३ साल श्राबण २० गते स्थापना भएको यस नेपाल अडिटर्स एशोसिएसन (अडान) लेखापरीक्षकहरुको एक मात्र राष्ट्रिय पेशागत संगठन हो। यो संस्था देशका सबै प्रदेश तथा ६८ जिल्लाहरुमा सक्रियरुपमा कार्यरत रहेको छ भने संस्थाले लेखापरीक्षकहरुको हकहित, सांगठनिक एकता तथा पेशागत दक्षता अभिबृद्धिका कामहरु गर्दै आएको छ। यस संस्थामा देशभर करीब ७ हजार सदस्यहरु रहेका छन् । सबै प्रदेशहरुमा प्रदेश परिषद् सम्पन्न भइसकेका छन्।
कार्यक्रममा कार्यबाहक महालेखापरीक्षक माननीय बामदेव शर्मा अधिकारी र आइक्यानका अध्यक्ष सुजनकुमार काफ्लेले अडान जर्नलको दशौ अंकको बिमोचन गरेका छन्।
कार्यक्रममा कार्यबाहक महालेखापरीक्षक बामदेव शर्मा अधिकारीले लामो समयदेखि आरए र सिए बिचको विवाद अन्त्य गरेर आईक्यानले आरएहरुको क्रमशः क्षमता, योग्यता र अनुभवको आधारमा केही स्किमहरु दिएर आरएहरुलाई पनि समान बर्ग बृद्धि गर्न सुझाव दिए।
उनले आर्थिक क्षेत्रमा सुसाशन कायम गर्न लेखापरीक्षकहरुको ठूलो भूमिका रहने र लेखापरीक्षकका कामहरुप्रति पनि समय समयमा बिभिन्न प्रश्नहरु उठ्ने गरेकाले सम्बेदनशिल हुन सबैमा अनुरोध गर्दै भ्रष्टाचार निबारण ऐनमा भएको मतियार सम्बन्धि रहेको व्यवस्थाका सम्बन्धमा संस्थागत राय पाए महालेखापरीक्षकको कार्यालयले अघि बढाउन लागि पर्ने बताए।
आइक्यानका अध्यक्ष सुजनकुमार काफ्लेले अडानलाई आइक्यानका उदेश्य परिपूर्तिका लागि महत्वपूर्ण भुमिका खेल्ने सहयोगी हातको रुपमा लिएको र सदैब सम्मानपूर्वक हेर्नै गरेको बताउदै आरए र सिए बिचका पुराना कुराहरु बिर्सेर नया शिराबाट अघि बढ्ने बताए।
नेपाल चेम्बर अफ कमर्शका बरिष्ठ उपाध्यक्ष कमलेसकुमार अग्रवालले राज्यको नीतिका कारण हाल देशले आर्थिक क्षेत्रमा नकरात्मक अबस्था ब्यहोर्नु परेको तितो यथार्थ बताउदै आर्थिक क्षेत्रका बिभिन्न आकडाहरु सुनाउदै राज्यको नीति र नेतृत्वका कारण नीजि क्षेत्रले चरम निराशा भोग्नु परेको बताए।
लेखामान बोर्डका अध्यक्ष प्रकाशजंग थापाले लेखापरीक्षकहरुको क्षमता अभिबृद्घि र अग्रगतीका लागि लेखापरीक्षहरुबिच प्रचारप्रसार गर्ने काम अडानले गरेकोमा बोर्ड सदैब साथमा रहेको बताउदै २०८० सालबाट लागू हुने लेखामानहरुबारे केहि समस्या भए छलफल गर्न बोर्ड तयार रहेको बताएका थिए।
अडिटिङ्ख स्टाण्डर्ड बोर्डका अध्यक्ष अनुपकुमार श्रेष्ठले बिदेशबाट लेखापरीक्षक ल्याउनु पर्ने अवस्था नहुँदा पनि सरकारी निकाय त्यसतर्फ किन लागेको हो ? भन्दै चिन्ता ब्यक्त गरेका थिए। अडानका संस्थापक अध्यक्ष कमल खरेलले संस्थाको एकताकै कारण यहांसम्म अडानलाई उचाइदिन सफल भएको बताउदै अडानलाई कमजोर पार्ने कामहरु कतैबाट नहोस् भन्ने बताएका थिए।
त्यस्तै अडानका निबर्तमान अध्यक्ष मोहनराज रेग्मीले आसन्न आइक्यानको दशौ परिषदको निर्बाचनलाई आरए तर्फका चारैजना पार्षदहरुलाई निर्बीरोध गर्ने बिगतको अभ्यासलाई निरन्तरता दिदै आआफ्ने ठाउँबाट सहयोग गर्न सबै प्रतिनिधि पर्यबेक्षकहरुलाई अनुरोध गर्दै उनले आइक्यानलाई बिगतका तितामिठा बिर्सेर आरएको उचित ब्यवस्थापन बारे आइक्याले ठोश योजना सोच्न अब ढिला गर्न नहुने बताएका थिए।
देशभरबाट आएका झण्डै ५ सय प्रतिनिधि तथा पर्यबेक्षकहरुको उपस्थितिमा सञ्चालित परिषद्मा गत महाधिबेशनमा पारित नीति तथा कार्यक्रमको कार्यान्वयनको अवस्था तथा असर सम्बन्धमा ब्यापक छलफल भई आवश्यक परिमार्जनको प्रस्ताव समेत पारित गर्दै संस्थाको महासचिब प्रेम बहादुर श्रेष्ठले प्रस्तुत गरेको सांगठनिक प्रतिबेदन र कोषाध्यक्ष बलराम चौधरीद्वारा प्रस्तुत आर्थिक प्रतिबेदन समेत पारित गरी निम्नानुसारका बिशेष प्रस्ताबहरु घोषणा गरेको छ।
-1777773700.jpg)
