काठमाडौ । नेपालको अग्रणी डिजिटल भुक्तानी सेवा प्रदायक कम्पनी इ-सेवाले ललितपुरको पुल्चोकस्थित लबिम मलमा ‘श्रावण र शृङ्गार’ कार्यक्रम भब्यतापूर्वक सम्पन्न गरेको छ ।
उक्त कार्यक्रम नेपाली महिलाको निम्ति विशेष मानिने हरियो श्रावण महिनाको अवसरमा श्रावण २३ र २४ गते सञ्चालन गरिएको हो।
शनिबार र आइतबार बिदाको दिन आयोजित कार्यक्रमले इसेवा प्रयोगकर्ताहरु, सामाजिक सञ्जालमार्फत उपस्थित सहभागीहरुसहित विभिन्न क्षेत्र तथा पृष्ठ भूमीका महिलाहरूलाई नजिक ल्यायो ।
यस कार्यक्रमले सहभागीहरुलाई श्रावण महिना र तीजको सांस्कृतिक उत्साह साथी-संङ्गीसँग एकै ठाउँमा मनाउने र अनुभव गर्ने अवसर जुराइदिएको कम्पनीले जनाएकाे छ ।
श्रावण महिना र तीजको परम्पराबाट प्रेरित भई आयोजना गरिएको यस कार्यक्रममा सहभागीहरुका लागि प्रोफेशनल ब्युटिसियनहरुमार्फत मेहन्दी लगाउने, पोलारोइड फोटो बुथमा स्मरणीय क्षणका फोटोहरु खिच्दै ठाउँको ठाउँ धुलाउने, र बिभिन्न खेलहरू खेल्दै आकर्षक पुरस्कार जित्ने जस्ता उत्साहजनक क्रियाकलापहरु तथा अनुभवहरू उपलब्ध रहेको थियो।
यसले सबै उमेर समुहका सहभागीहरुका लागि एक जीवन्त र रमाइलो उत्सवको अनभुव प्रदान गरेको कम्पनीले जनाएको छ।
कम्पनीका अनसार ‘श्रावण र शृङ्गार’ कार्यक्रम इसेवाको महिनाभरी चल्ने ‘सिइजदग्रीनफ्ल्याग’ (Sheisthegreenflag) अभियान अन्तर्गत सञ्चालन गरिएको थियो ।
यस अभियानले ती महिलाहरुको सम्मान गर्दछ जसले आफूमात्र नभई अरूलाई पनि आत्मविश्वास बढाउन, लक्ष्यमा प्रोत्साहित भई अघि बढ्न र अरूको जीवनमा सकारात्मक प्रभाव पार्न प्रेरणा दिन्छन् ।
महिलाहरुलाई हरेक दिन कदर र सम्मान गर्ने कम्पनीको प्रतिबद्धतालाई सुदृढ बनाउँदै यस कार्यक्रमले सांस्कृतिक परम्परा र सामुदायिक सहभागीतालाई एकै ठाउँमा ल्याउदै श्रावण र तीजको एक अविस्मरणीय अनुभव सिर्जना गरेको छ।
प्रकाशित मिति: आइतबार, साउन २४, २०८३ २१:२०
