ललितपुर । मानसिक स्वास्थ्य दिवस सन २०२२ को उपलक्ष्यमा मानसिक स्वास्थ्यको क्षेत्रमा सफलतापूर्वक कार्य गर्दै आइरहेको गैरसरकारी संस्था कोशीशको सहयोगमा मानसिक स्वास्थ्य अस्पताल लगनखेलमा सेवाग्राही र सेवा प्रदायकवीचको अन्तक्र्रिया कार्यक्रम सम्पन्न भएको छ ।
मनोसामाजिक अपाङ्गता भएकाहरु, उनका परिवारहरु, मनोचिकित्सकहरु र नर्शहरु सहभागी भएको उक्त कार्यक्रमा डा. बासु कार्कीले लगनखेल मानसिक स्वास्थ्य अस्पतालले दिने सम्पूर्ण सेवासुविधाका बारेमा जानकारी दिएका थिए।
कार्यक्रममा सेवाग्राहीहरुले अस्पतालका बारेमा प्रतिक्रिया दिँदै अस्पतालले राम्रो सेवासुविधा दिइरहेको तर अझै सुधार गर्नुपर्ने धारणा राखेका थिए ।
त्यसैक्रममा सेवाग्राहीहरुले मनोसामाजिक अपाङ्गता भएकाहरुले औषधि सेवन गर्ने तरिका, औषधि सेवन गर्नुपर्ने कारण र औषधि सेवनलाई त्याग्न पर्ने अवस्थाका बारेमा चर्चा परिचर्चा पनि गरेका थिए र मनोसामाजिक अपाङ्गता भएकाहरुले आमरुपले झेल्नुपरेको दुव्र्यवहारका कारण रोजगारी हाँसिल गर्न र हाँसिल गरेको रोजगारीमा टिक्न गाह्रो हुने भएकोले रोजगारी उपलब्ध गराई उनीहरुलाई सबैले समझदारीपूर्वक हेर्ने वातावरणको सिर्जना गर्न सहयोग सम्बन्धित निकायले गर्नुपर्ने र सामाजिक सुरक्षा भत्ता उपलब्ध गराउँन पहल गर्नुपर्ने साथमा सुविधामूलक ठाउँभन्दा धेरैटाढा बसोबास गर्दै आएका मनोसामाजिक अपाङ्गता भएकाहरुका लागि टेलीहेल्थको व्यवस्था गराईदिन पनि सबैले अनुरोध गरेका थिए।
कार्यक्रममा पुनः डा.बासु कार्कीले मनोसामाजिक अपाङ्गता भएकाहरुलाई बाह्र थरिका औषधिहरु अस्पतालबाट निःशुल्क वितरण भइरहेको जानकारी दिएका थिए भने सहभागी मध्ये एक डा. ले यस्तो कार्यक्रम विगतमा नभएको र यसरी प्रत्यक्ष रुपमा मनोसामाजिक अपाङ्गता भएकाहरुसँग अन्तक्र्रिया गर्न पहिलो चोटी अवसर जुटाईदिने सहयोग गर्ने गैरसरकारी संस्था कोशीशलाई धन्यवाद दिएर मनोसामाजिक अपाङगता भएकाहरुलाई आफ्नो समस्या समाधानका लागि अस्पतालमा आउँन अनुरोध गर्दै अन्तक्र्रिया कार्यक्रम समापन गरेका थिए ।
- नामी साप्ताहिक
प्रकाशित मिति: मंगलबार, कात्तिक २२, २०७९ ०८:३०
