काठमाडौं। नेपालभाषा चलचित्रका नंबरी नायिका आराध्यालक्ष्मी खड्गीले यो हप्ता एक पछि अर्को गरेर अभिनयमा रेकर्ड राखेकी छन्। नायिका खड्गीले यो हप्ता दुई नेपालभाषा र एक नेपाली भाषामा गरेर तीन गीतको भिडियोमा नायिका बनेर नयाँ रेकर्ड राखेकी हुन्।
आइतवार देखि शनिवारसम्मको सात दिनमा तीन गीतका म्युजिक भिडियोलाई एक पछि अर्को समय दिएर सेड्युल मिलाएर काम गरेर आराध्याले वाहवाही नै पाएकी थिइन्। आराध्या अभिनित उमेश शाहीको गायन रहेको नेपाली भाषाको चोरीले चोरी देला बोलको गीतको म्युजिक भिडियोमा सावनदेवको निर्देशन रहेको छ।
त्यस्तै, दुई नेपालभाषाको गीतमा राजेशमान सिंहको निर्देशनमा नारायणदेवी महर्जनको गायन रहेको म्युजिक भिडियो तथा बालमुकुन्द प्रजापतिको निर्देशनमा कृष्णभक्त महर्जन र बानिका प्रधानको गायन तथा हरिशरण सायमीको संगीत रहेको गीतको म्युजिक भिडियो रहेको छ।
यस गीतको निर्माण केबीएस लुभुको छ। व्यस्त सेड्युलमा फरक भिडियोमा फरक कथा तथा विषयवस्तुमा अभिनय गर्न पाउंदा अत्यन्त गौरब लागेको र गरेमा सकिने रहेछ भन्ने जिउंदा जाग्दो आफू उदाहरण नै बनेको आराध्याले भनेकी छन्।
प्रकाशित मिति: शनिबार, असोज ५, २०८१ २२:०१
