काठमाडौ । 'नियमित रक्तदान स्वस्थ हुनुको परिणाम' मूलनाराकासाथ विभिन्नस्थानमा रक्तदानको कार्यक्रमको भब्य आयोजना गरि ५५औं राष्ट्रिय रक्त सञ्चार सेवा दिवस मनाइएको छ।
नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यको प्रमुख आतिथ्यता र नेपाल रेडक्रस सोसाइटी स्वास्थ्य सेवा बिभगकी निर्देशक डा. मनिता राजकर्णिकारको विशेष आतिथ्यतामा विभिन्न स्थानमा रक्तदान कार्यक्रमहरूको आयोजना गरि ५५औ राष्ट्रिय रक्तसञ्चार सेवा दिवस मनाइएको हो।
नेपाल स्वयंसेवी रक्तदाता समाज भक्तपुर जिल्ला शाखाका अध्यक्ष रोशन तुकँबञ्जा:काे सभापतित्वमा आयोजित उक्त कार्यक्रमको संयोजन भने निवर्तमान अध्यक्ष मुक्तिसुन्दर जधारीले गरेको थियो ।
सो कार्यक्रममा महिला तथा पुरूष गरि जम्मा ६२ जनाले रक्तदान गरेको उक्त कार्यक्रमका प्रमुख अतिथि नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्य र बिशेष अतिथि नेपाल रेडक्रस सोसाइटी स्वास्थ्य सेवा विभागकी निर्देशक डा. मनिता राजकर्णिकारले रक्तदाताहरूलाई प्रमाण-पत्र प्रदान गरिएको थियोे।
त्यस्तैगरी नेपाल स्वयंसेवी रक्तदाता समाज ललितपुर जिल्ला शाखाका अध्यक्ष नविन महर्जनको सभापतित्वमा आयोजित रक्तदान कार्यक्रममा नेपाल स्वयंसेवी रक्तदाता समाज महालक्ष्मी नगरसमितिका अध्यक्ष बिजयकुमार महर्जनले अतिथिको भूमिका निर्वाह गरेका थिए।
कार्यक्रमका प्रमुख अतिथि नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यले कार्यक्रममा सहभागी जम्मा २६ जना स्वयंसेवी तवरले रक्तदान गर्ने स्वयंसेवी रक्तदाताहरूलाई प्रमाण-पत्र वितरण कार्य भएको थियो।
नेपाल स्वयंसेवी रक्तदाता समाजको बिशेष आह्वान र संयोजनमा स्थानीय क्लब २८ बागबजारद्वारा बागबजारस्थित अराधना कम्प्लेक्समा पनि रक्तदान कार्यक्रमको आयोजना गरिएको थियो। जम्मा ४४ जनाले रक्तदान गरेको सो कार्यक्रममा काठमाडौं महानगरपालिका २८ का वडाध्यक्ष भाइराम खड्गीको प्रमुख आतित्थ्यतामा भएको थियो।
कार्यक्रमका विशेष आतिथि नेपाल स्वयंसेवी रक्तदाता समाजका केन्द्रीय अध्यक्ष एवम् स्वयंसेवी शतक रक्तदाता प्रेमसागर कर्माचार्यलाई कदर-पत्र प्रदान गरि सार्वजनिक तवरले सम्मान गरिएको थियो। सोही रक्तदान कार्यक्रमको अवसरमा रक्तदान गरेर ५०औ पटक रक्तदान रेकर्ड बनाउँने प्रचण्ड कारञ्जितलाई पनि कदर-पत्र प्रदान गरि सम्मान गरिएको थियोे।
क्लबका अध्यक्ष अरूण तण्डुकारको सभापतित्वमा आयोजित रक्तदान कार्यक्रममा नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यद्वारा रक्तदाताहरूलाई प्रशंसाा-पत्र र मायाको चिनो बितरण गरिएको थियो।
प्रकाशित मिति: बुधबार, साउन १३, २०७८ ०६:४९
