काठमाडौ । नेपाली सैनिकले नेपाल प्रहरी र सशस्त्र प्रहरी बलसँगको सहकार्यमा मनाङको ठाडो खोलामा काठेपुल बनाएर स्थानीयवासीलाई आवत-जावतमा सहज तुल्याएको छ।
केही ससमयअघिको भारी वर्षाबाट मनाङको चामे गाउँपालिका-४ र ५ जोड्ने मर्याङ्दी नदीको बेलिव्रिज बाढीका कारण अवरुद्ध भएको र झोलुङ्गे पुल पनि बगाएपछि ङिस्याङ गाउँपालिका र चामेबीच आवतजावत पूर्ण बन्द भएको थियो।
काठेपुलसँग त्यस भेगका जनतालाई पैदल आवतजावत गर्नका लागि सैनिकद्वारा गोरेटो बाटो समेत निर्माण गरेको सैनिक जनसम्पर्क तथा सूचना निर्देशनालयले जनाएको छ।
चामे गाउँपालिका-४ स्थित स्याल्कु खोलाको यातायातका सवारी साधनसमेत सञ्चालन हुने काठे पुल बगाए आवागमन अवरुद्ध भएपछि सैनिकले नेपाल प्रहरी, सशस्त्र प्रहरी बल र स्थानीयवासीसँगको सहकार्यमा साउन १५ गते खोलामा काठेपुल निर्माण गरेको हो।
पुल निर्माणसँगै जिल्ला सदरमुकाम, तिमाङसम्म र तलेखुसम्म हलुका सवारी साधन आवतजावत गर्न सहज भएको सैनिकले जानकारी दिएको छ।
काठमाडौँबाट २४ जना यात्रु लिएर बुर्तिबाङतर्फ गइरहेको बा५ख १५५३ नंको बस बाग्लुङ्ग गलकोट नगरपालिका-१ चौराहा नजिक दुर्घटना भएकामा श्रीमेहर गणबाट खटिएको उद्धार तथा मेडिकल टोलीले ६ जनालाई थप उपचारका लागि धौलागिरि अञ्चल अस्पताल पठाएको जानकारी दिइएको छ।
प्रकाशित मिति: सोमबार, साउन १८, २०७८ २२:४०
