ललितपुर । ललितपुर महानगरपालिका वडा नंबर ५ विकास निर्माणको हिसाव–कितावमा वितेको पाँच बर्षमा अब्बल वडाको रुपमा मानिएको छ।
वितेको पाँच बर्षमा २०७४ सालको स्थानीय तहको निर्वाचनमा ललितपुर महानगरपालिका वडा नंवर ५ को वडा अध्यक्ष निर्वाचित भएर आएयता विकासमान श्रेष्ठले गरेको अनवरत् अहोरात्र कार्यको कारण ललितपुर महानगरपािलकाभरिकै अब्बल वडामा गनिन पुगेको हो।
स्वच्छ, सफा, हराभरा, धुवाधुलोरहित सुरक्षित स्वस्थ नमूना वडा बनाउने अभियानलाई मुख्य नारा बनाएर नेतृत्व प्रदान गरेका विकासमानका कारण वडाले विकास–निर्माणका कार्यमा छलाङ नै मार्न सफलता प्राप्त गरेको कसैवाट छिपेको छैन्।
यसकारण पनि वडावासीहरु जहाँ विकासमान त्यहाँ विकासको पाइला भनेर नयाँ नारा बनाउन चुकेका छैनन्।वडावासीको यो नारा अनुरुप काम गरेकै कारण अपोजिसन पार्टी नेपाली कांग्रेसका नेताहरुले पनि उनको दिल खोलेर प्रशंसा गर्ने गरेका छन्।
आसन्न स्थानीय निर्वाचनमा ललितपुर महानगरपालिका वडा नंबर ५ को वडा अध्यक्षमा सूर्य ध्वजावाहक नेकपा एमालेवाट सर्वसम्मत वडा अध्यक्षको उम्मेदवारको रुपमा जनसमक्ष आएका विकासमान श्रेष्ठ भन्छन्, “मेरो वडामा सबै सडकमा कालोपत्रे भइसकेको छ। सबै क्षेत्रमा ढल व्यवस्थापन भइसकेको छ । वडालाई सुरक्षित बनाउँन चोक–चोकमा २९ वटा सिसिटिभि जडान गरिसकिएको छ । आगलागीबाट बचाउन विभिन्न स्थानमा फायर एक्चेञ्जर, उज्यालो वडा बनाउन हरेक सडकमा सडकबत्ती जडान गरिसकिएको छ।”
वडाध्यक्ष श्रेष्ठका अनुसार वडालाई हरियाली बनाउन रुख विरुवा रोपनलाई प्राथमिकता राखिएर काम गरिएको छ भने सरसफाइयुक्त वडा निर्माण गर्न सडक किनार र चोक चोकमा डस्टविन र ट्रयास्टविनको व्यवस्था गरिएको तथा दैनिक सफाइको व्यवस्था मिलाइएको छ ।
संस्कृति र परम्परा संरक्षणमा पनि ललितपुर महानगरमा वडा नंबर ५ अग्रस्थानमा छ । वडाभित्र रहेको ऐतिहासिक महालक्ष्मी मन्दिरमा पुर्ननिर्माणको अन्तिम चरणमा पुगेको छ ।
यसका लागि वडाको पहलमा हालसम्म १ करोड ५० लाख खर्च गरिएको छ । यस बर्ष उक्त परियोजनाका लागि ४० लाखको बजेट विनियोजन गरिएको छ । यसैगरी सरस्वती मन्दिरको पुनर्निमाण सम्पन्न हुने चरणमा छ ।
वडा अध्यक्ष श्रेष्ठ अगाडि भन्छन्, “हामीले ऐतिहासिक नुःपुखु (रानीपोखरी) मास्टर प्लान बनाइसकेका छौं । अर्को कार्यकालको केही बर्षमै रानीपोखरी पुनःनिमाण पुरा हुनेछ । दक्षिणकाली मन्दिरको जिर्णोद्धार सम्पन्न भईसकेको छ। गणेश मन्दिर, कुमारीपाटी मन्दिर, नाग मन्दिर लगायतका सम्पदाको जर्गेनामा हामी सफल भएका छौं।”
पुरातात्विक सम्पदाको जगेर्नामा पनि वडा अध्यक्ष विकासमान श्रेष्ठ सक्रिय छन्। विकासमानकै पहलमा २४ बर्षदेखी रोकिएको खड्ग जात्राको संचालन गर्नेदेखि २५ बर्षदेखि रोकिएको खट जात्रा पनि अघिल्लो बर्षदेखी सुचारु गर्न सफलता मिलेको थियो।
स्थानीय बासिन्दाहरुले कोभिडको योद्धाको रुपमा पनि विकासमान श्रेष्ठलाई लिने गरेका छन् । विशेषगरी कोभिडको पहिलो चरणमा घरघरमा पुगेर राहत बाड्नदेखी कोभिडको खोप आएपछि अशक्त र बृद्धबृद्धलाई घरैमा गएर खोप लगाउन विकासमानले खेलेको महत्वपूर्ण भूमिकाको प्रशंसा स्थानीय वडाबासीहरुले दिल खोलेर गर्ने गरेका छन्।
वडा अध्यक्ष श्रेष्ठ भन्छन्, “कोभिडको असहज परिस्थितिमा मेरो परिवार मेरा वडा र वडावासी हो भन्ने हेतुले हामीले कार्य गरेका हौं । कोभिडको समयमा राहत र जनचेतनाको कार्य गरेकोले हामीले उहाँहरुको माया पाएका हौं ।”
भौतिक विकासका अतिरिक्त मानवीय विकास, सीप, रोजगारी लगायतका विषयमा ललितपुर महानगरपालिका तथा देशभरकै स्थानीय तहका वडाहरुमा ललितपुर महानगरपालिका वडा नंबर ५ अब्बल रहेको दाबी वडा अध्यक्ष विकासमान श्रेष्ठको रहेको छ ।
विकासमान नेतृत्वको टीमले ललितपुर महानगरपालिका वडा नंबर ५ मा गरेका अत्यन्त राम्रा कार्यहरुका कारण उक्त टीमको अवको पाँच बर्षको लागि पनि आवश्यक भएको र विकासमान नेतृत्वको टीमले विजय प्राप्त गर्ने वडावासीहरुको भनाई रहेको छ।
(नामी साप्ताहिकवाट साभार)
