ललितपुर । ललितपुर महानगरपालिका-५ ले नेपाली महिला दिदीबहिनीहरुको महान पर्व तिजको अवसर पारेर तिज विशेष कार्यक्रम आयाेजना गरेको छ।
ललितपुर महानगरपालिका-५ का लोकप्रिय तथा जनप्रिय वडा अध्यक्ष विकासमान श्रेष्ठको अगुवाइमा ललितपुर महानगरपालिका-५ ले नेपाली महिला दिदीबहिनीहरुको महान पर्व तिजको अवसर पारेर शनिवार महालक्ष्मी पार्टी प्यालेसमा तिज विशेष कार्यक्रम गरेको हो।
बर्षभरि छरिएर रहेका अनि एउटै वडामा रहेर पनि भेटघाट नभएका वडावासी महिला दिदीबहिनीलाई भेटघाट गराएर पर्वलाई उत्सवको रुपमा मात्र नलिइकन जनचेतना अभिबृद्धि गर्ने र गराउने कार्यक्रम अनुरुप वडाले तिज विशेष कार्यक्रम गरेको वडा अध्यक्ष श्रेष्ठले बताएका छन्।
वडा अध्यक्ष श्रेष्ठका अनुसार, तिज विशेषमा महिला हिंसा विरुद्धको जनचेतनामूलक कार्यक्रमलाई प्राथमिकतापूर्वक प्रस्तुत गर्ने कार्य भएको थियो भने एकातिर महिला जनचेतनामूलक शिक्षा अनि बर्षभरि भेटघाट नभएको भेटघाट तथा मनोरञ्जनात्मक कार्यक्रमले थप ऊर्जा मिलेको सहभागी महिला दिदीबहिनीहरुको धारणा रहेको छ।
त्यसमाथि, वडा अध्यक्ष श्रेष्ठ सहभागी वडावासी करिब ५ सय महिला दिदीबहिनीहरु माझ तिज विशेष गीतमा छमछमी नाच्दा सवै रमाएका थिए।
प्रकाशित मिति: शनिबार, भदौ ३०, २०८० २१:४९
