काठमाडौं। नेपालीहरुको महान पर्व बडादशैंको उपलक्ष्यमा इजरायलको तेलअभिव स्थित पाथिभरा मन्दिर परिसरमा नवरात्रभर नवदुर्गा भवानीको उपासना भैरहेको छ। घटस्थापनावाट प्रारम्भ भएको नवरात्र उपासनमा तीनजना ब्रतालुहरुले उपासना गरिहेको हो।
माँ पाथिभराका अनन्य भक्तहरु इलित्रा क्षेत्री, राधिका थकाली र तारा पोखरेल तीनजना ब्रतालुहरुले नवरात्र उपासना ब्रत लिइरहेका छन्। तीन दिन पानी समेत नखाएर निर्जल ब्रत र त्यसपछि फलफूल मात्र खाएर फलाहार ब्रत बसिरहेको जानकारी इलित्रा क्षेत्रीले इजरायलवाट दिएकी छन्।
क्षेत्रीका अनुसार, महानवमीको दिन सोमवार विहान १० बजे सवालाख वत्ती प्रज्ज्वलन गरिने भएको छ। विविध कारणले मृत्युवरण भएका र केही समयअभि मात्र इजरायलमा हमासको आक्रमणको कारण मृत्युबरण गरेकाहरुको नाममा उनीहरूको आत्माको शान्तिको कामना गर्दै सवालाख वत्ती प्रज्वलन गर्ने कार्यक्रम राखिएको छ।
प्रकाशित मिति: शनिबार, कात्तिक ४, २०८० २१:४४
