फिक्कल, इलाम । नेपाल कम्युनिष्ट पार्टी (एमाले) इलामको अध्यक्षमा गणेशप्रसाद बराल निर्वाचित भएको छ।
आज बिहान सम्पन्न पार्टीको ११औँ अधिवेशनबाट प्रतिस्पर्धी नरेन्द्रनाथ भट्टराईलाई एक सय ८६ मतान्तरले हराउँदै बराल अध्यक्षमा निर्वाचित एको हो ।
बरालले तीन सय ८१ मत प्राप्त गर्दा भट्टराईले एक सय ९५ मत मात्र प्राप्त गरेको थियो।
त्यस्तै, उपाध्यक्षमा २ सय ५० मतका साथ उदयबहादुर राई निर्वाचित भएको छ भने उनका प्रतिस्पर्धी उमेश गुरुङले १ सय ८४ र बुद्धिप्रसाद खनालले १ सय ३७ मत मात्र प्राप्त गरे ।
सचिवमा रामप्रसाद सुवेदी (रविन्द्र) निर्वाचित भए। उनले प्रतिस्पर्धी प्रकाश अधिकारीलाई २४ मतान्तरले पराजित गरेको थियो।
सुवेदीले २ सय ९२ मत पाउँदा अधिकारीले २ सय ६८ मत प्राप्त गरे । उपसचिव (खुला) मा निकटतम प्रतिस्पर्धी छवि श्रेष्ठलाई २६ मतान्तरमा पराजित गर्दै रमेश राई निर्वाचित भएको छ ।
राईले १ सय ७० मत प्राप्त गर्दा श्रेष्ठले १ सय ५३ मत प्राप्त गरे। अन्य प्रतिस्पर्धी यामबहादुर राईले १ सय ३४ र मानविर लुहागुनले ५६ मत मात्र प्राप्त गरे ।
त्यस्तै उपसचिव ९महिला० मा प्रतिस्पर्धी विष्णुमाया रिमाल (आचार्य) लाई ९२ मतान्तरमा पराजित गर्दै दिलकुमारी लिम्बू निर्वाचित भएको छ । लिम्बूले ३ सय ९ मत पाउँदा रिमालले २ सय १७ मत मात्र प्राप्त गरे।
बिहीबारदेखि सुरु भएको अधिवेशनमा जिल्लाका ८१ वटा, २१ जनसङ्गठन र पेसागत सङ्गठन, तीन इलाका शाखा एउटा विशेष वडा कमिटीबाट चयन भएका ५ सय ८७ प्रतिनिधि सहभागी थिए ।
मत भने ५ सय ८१ मात्र खसेको थियो । सहमतिमा नेतृत्व चयन गर्ने प्रयास असफल भएपछि निर्वाचनबाट नेतृत्व चयन भएको हो।
प्रकाशित मिति: शनिबार, मंसिर १, २०८१ १३:१९
