काठमाडौ । नेपाल अडिटर्स एशोसिएसन (अडान) को छैठाै राष्ट्रिय महाधिवेशन पछिको २२औं सचिवालयको पूर्ण बैठक अध्यक्ष केदारनाथ पौडेलको अध्यक्षतामा संस्थाको कार्यालय नयाँबानेश्वर सम्पन्न भएको छ ।
बैठकमा संस्थाका निबर्तमान अध्यक्ष एवम् सल्लाहकार समितिका संयोजक मोहनराज रेग्मी, पदाधिकारीहरु एवम् सचिवालय सदस्यहरुको उपस्थितिमा सम्पन्न भएको हो।
बाइसौ सचिवालयको पूर्ण बैठकमा महासचिव प्रेमबहादुर श्रेष्ठले प्रस्तुत गरेको थियो भने सांगठनिक प्रतिबेदन र कोषाध्यक्ष बलराम चौधरीले प्रस्तुत गरेको आर्थिक प्रतिवेदनमाथि ब्यापक छलफल गरी सुझाव सहित पारित गरेको छ ।
बैठकले आगामी सातौ राष्ट्रिय महाधिवेशनको तयारीका लागि २०८१ चैत्र १० गतेभित्र जिल्ला अधिवेशन र २०८२ बैशाख १० गतेभित्र प्रदेश अधिवेशन सम्पन्न गर्न सम्पूर्ण जिल्ला कार्य समिति एवम् प्रदेश कार्य समितिलाई समय सिमा तोकेको छ ।
त्यस्तैगरी, बैठकले आगामी २०८२ जेष्ठ १६ र १७ गते (May 30, 31 2025 AD_ काठमाडौ उपत्यकामा आयोजना गर्ने गरि सातौ राष्ट्रिय महाधिबेशनको घोषणा गरेको छ। सो का लागि आगामी २०८१ साल चैत्र १५ गते काठमाण्डौमा केन्द्रिय कार्य समितिको बैठक पनि आब्हान गरेको छ ।
अधिवेशनको तयारीमा जुट्न अडानका सबै केन्द्र, प्रदेश र जिल्लाका जिम्मेवार पदाधिकारी तथा सदस्यहरुलाई हार्दिक आव्हान गर्ने निर्णय समेत गरेको संस्थाका प्रथम उपाध्यक्ष एवम् संयोजक, प्रचार प्रसार विभाग प्रमुख डा.डि.पि. दाहालले बताए ।
प्रकाशित मिति: सोमबार, माघ २८, २०८१ १९:२५
