काठमाडौं। जहाँ दुःख त्यहाँ रेडक्रस भन्ने अन्तराष्ट्रिय रेडक्रसको मूल्य-मान्यता तथा पहिचान अनुरुप नेपाल रेडक्रस सोसाइटी कागेश्वरी मनोहरा उपशाखाले स्थापनाकाल देखि मानव सेवामा कार्य गर्दैआएको छ।
स्थापनाको २२ बर्ष पुगिसक्दा नेपाल रेडक्रस सोसाइटी कागेश्वरी मनोहरा उपशाखा भद्रवास आलापोटले रेडक्रसको मूल्य-मान्यता तथा पहिचान अनुरुप कार्य गर्दैआएको जानकारी शाखाका सभापति बासुदेव पौडेलले दिएका छन्।
सभापति पौडेलका अनुसार, नेपाल रेडक्रसको कागेश्वरी मनोहरा उपशाखा भद्रवास आलापोटमा विधिवत रुपमा स्थापना भएको विसं.२०६० सालमा हो। स्थापना कालदेखि कागेश्वरी मनोहरा नगरपालिका भित्र भैपरिआउने विपद व्यवस्थापनका कार्य देखि विरामी हुदा उपचारको क्रममा आवश्यक पर्ने रगतलाई निःशुल्क उपलव्ध गर्ने र गराउने तथा हाल अंगदान कार्यक्रममा समेत उल्लेखनीय भूमिका निर्वाह गर्दैआएको जानकारी पनि सभापति पौडेलले दिएका छन्।
समुदायमा आधारित हरेक कार्यमा होस्टेमा हैंसे गर्ने लगायतका कार्यमा अग्रपंक्तीमा कार्य गर्दैआएको नेपाल रेडक्रस सोसाइटी कागेश्वरी मनोहरा उपशाखा भद्रवास आलापोट जनताको सुख-दुःखको साथी नै भएको जिकिर उपशाखाका कोषाध्यक्ष शंकर प्रसाद पौडेलको छ।
कोषाध्यक्ष पौडेलकाअनुसार, रेडक्रका जन्मदाता जाँ हेनरी ड्युनाको सिद्धान्त र आदर्शहरु मानवता, निष्पक्षता, तटस्थना, स्वाधिनता, स्वयम्सेवा, एकता र विश्व व्यापकता बमोजिम नेपाल रेडक्रस सोसाइटी कागेश्वरी मनोहरा उपशाखाले कार्य गर्दैआएको छ।
प्रकाशित मिति: शनिबार, साउन २४, २०८२ २१:०८
