काठमाडौ । नेपाल तेक्वान्दो संघको आयोजनामा विश्व तेक्वान्दो महासंघको र्याङ्किङ प्रतियोगिता जी–१ मा दशरथ रङ्गशालामा सम्पन्न भएको छ ।
उक्त प्रतियोगिता नेपालकी गीता विष्टले चौथो माउन्ट एभरेष्ट अन्तर्राष्ट्रिय तेक्वान्दो प्रतियोगिता जी–१ मा रजत पदक जितेकी हुन्।
विष्टले महिला ६७ केजी मुनीको तौल समुहमा रजत पदक जितेकी हुन् । गीता फाईनलमा भारतकी मधु सिंहसँग पराजित भएकी थिईन्।
यस तौल समुहमा नेपालकी रेजिना पार्की र श्रीलंकाकी विनोथकन्ना खन्ना क्यासिलडेसले कास्य पदक जीतेका छन्।
त्यसैगरी महिला ४६ केजी मुनी पोर्चुगलकी कियारा बारोसोले स्वर्ण पदक हात पारे भने हङकङको त्सेज वान लाउले रजत पदक, नेपालको प्रकृती पाली र सन्तोषी राईले कास्य पदक जितेका छन्।
महिला ५३ केजी मुनी भारतको अनिषाले मलेशियाको नोरुमर मोहम्मद फिरदौसलाई हराएर स्वर्ण पदक जिते भने भारतकी सरवर कौर र सिङ्गापुरकी निशेल ट्यानलै कास्य हात पारेका छन्।
महिला ७३ केजी मुनी भारतकी दास एटिशाले हङकङकी चेउङ हो यानलाई पराजित गरी स्वर्ण पदक जिते भने भारतकी मान्या सेहरावत र नेपालकी अनामिका तामाङले कास्य पदक जित हात पारे।
त्यसैगरी पुरुषतर्फ ५८ केजी मुनी भारतका अब्दुल वाहिदले स्वर्ण पदक जित हात पारे भने कास्य पदक पाकिस्तानको अबुबकर सिद्दिकीले रजत पदक, हङकङका चुन यिन चिओक कास्य र भारतका शौर्य चक्रवर्तीले कास्य पदक जिते।
पुरुष ६८ केजी मुनीतर्फ थाईल्याण्डका थानापुम फुआङनोइले भारतको नविनलाई पराजय गरी स्वर्ण पदक जिते भने पाकिस्तानको मोहम्मद अरबाज खान र भारतको शिवम सुदेश शेट्टी कास्य पदक जिते।
पुरुष ७४ केजी मुनी थाईल्याण्डको कृतायोट फ्रोम्पात्जुले जापानको ताकातो काटोसलाई हराएर स्वर्ण पदक जिते भने भारतका आशिष र हरप्रीत सिंहले कास्य पदक जितेका छन् ।
पाकिस्तानको हमजा ओमर सईदले भारतको श्रीनिधि दीपक काटकरलाई पराजित गरी स्वर्ण पदक हात पारे भने भारतको प्रमोद जोशी तथा भुटानको निमा वाङ्दी कास्य पदक जित हात पारे।
नेपालसहित २३ राष्ट्र सहभागी यस प्रतियोगितामा कुल १ हजार २ सय खेलाडीहरुको रहेको थियो। जुनियर र क्याडेटको प्रतियोगिता विहिबारदेखि शुरु हुने संघका महासचिव हेमन्त डाँगीले जानकारी गराए।
प्रकाशित मिति: बुधबार, फागुन ६, २०८२ १९:४३
