काठमाडौ । नेपाली सेनाको त्रिभुवन आर्मी क्लब प्रथम वीर गणेशमान सिंह राष्ट्रिय फेन्सिङ्ग प्रतियोगितामा टिम च्याम्पियन बन्न सफल भएको छ।
सेनाले ६ स्वर्ण, २ रजत र ६ कास्य पदककासाथ टिम च्यामिपयन बनेको हो। दोश्रो एपिएफ रह्यो। एपिएफले ३ स्वर्ण, ५ रजत र ८ कास्य पदक प्राप्त गर्याे भने तेश्रो स्थानमा रहेको बागमती प्रदेशले ३ स्वर्ण, ५ रजत र ३ कास्य प्राप्त गरेको छ।
वीर गणेशमान सिंह स्पोर्टस् कमिटि र नेपाल फेन्सिङ्ग संघको संयुक्त आयोजनमा भएको प्रतियोगिताको महिला फ्वाईल तर्फ एपिएफकी मन्दिरा थापाले स्वर्ण हात पारिन्।
थापाले फाईनलमा चिरप्रतिद्वन्दि सेनाकी रमा सिंहलाई १५-१२ को झिनो अन्तरले पराजित गर्दै रजतमा खुम्चियकी छन् भने तेश्रो स्थानमा सेनाकी मनिषा राई र बागमतीकी अञ्जु तामाङ्ग रहेका छन्।
त्यस्तैगरी पुरुषको टिम फ्वाईलतर्फ सेनाले जित हात पार्दै स्वर्ण कब्जा गरेको छ। सेनाले बागमतीलाई ४५-२९ ले पराजित गर्दै रजतमा खुम्चन बाध्य बनाएका थिए भने गण्डकी र एपिएफले कास्य पदक प्राप्त गरेका छन्।
यस्तै टिम महिला सावरमा पनि सेनाले स्वर्ण हात पार्याे । फाईनलमा सेनाले एपिएफलाई ४५-३६ अंकले पराजित गर्दै स्वर्ण कब्जा गरेको हो भने बागमती र गण्डकीले कास्य पदक हात पारेका छन् ।
महिला टिम फ्वाईलतर्फ एपिएफले बागमती प्रदेशलाई पराजित गर्दै स्वर्ण प्राप्त गर्याे। एपिएफले बागमतीलाई ४५–३६ अंकले परातिज गरेको हो। यस्तै यस विधामा सेना र प्रदेश नं. १ ले कास्यमा चित्त बुझाएका छन्।
पुरुष इपी टिमतर्फ सेनाले एपिएफलाई ४५-४० अंकले पराजित गर्दै स्वर्ण हात पा¥यो भने तेश्रो स्थानमा गण्डकी प्रदेश र प्रदेश नं. १ छन्।
पुरुष सावरतर्फ एपिएफले स्वर्ण जित्दा बागमतीले रजत पायो। एपिएफले बागमतीलाई ४५-३६ अंकले पछि पार्दै स्वर्ण जितेको हो भने नेपाली सेना र प्रदेश १ ले कास्य पदक प्राप्त गरेका छन् ।
प्रतियोगितामा ब्यक्तिगत स्पर्धातर्फ दुई स्वर्ण प्राप्त गर्ने बागमती प्रदेशका खेलाडी ओमकार सिंहलाई नेपाल फेन्सिङ्ग संघका महासचिव सुजनलाल श्रेष्ठले व्यक्तिगत १० हजारले सम्मान गरे। यस्तै प्रतियोगितामा अनुशासित खेलाडीको खिताव पाएका एपिएफका शेरसिंह ऐरीलाई भारतबाट प्रतियोगिता सफल पार्न आएका निर्णायकहरु सन्तोष पाण्डे र बिशाल रावलले खेल सामाग्री प्रदान गर्दै सम्मान गरेका छन्।
प्रतियोगितामा गण्डकी प्रदेशबाट सवैभन्दा कम उमेरकी खेलाडी (११ बर्ष) प्रतिक्षा रानाले पनि सहभागिता जनाएकी थिईन्। उनले सिनियर प्रतिस्पर्धामा दुई खेल जित्न पनि सफल भएकी थिईन्।
बिजयी खेलाडीहरुलाई नेपाल सरकारका पूर्व उपप्रधानमन्त्री एवं गणेशमान फाउण्डेशनका अध्यक्ष प्रकाशमान सिंह, महिला नेतृ श्रृजना सिंह, राष्ट्रिय खेलकुद परिषदका उपाध्यक्ष शिव कोईराला, सदस्य सुभाष श्रेष्ठ, नेपाल ओलम्पिक कमिटिका उपाध्यक्ष एवं कार्यकारी निर्देशक चतुरानन्द राजबैद्य, सचिव रामजीबहादुर श्रेष्ठ, नेपाल ओलम्पियन संघका अध्यक्ष दीपक बिष्ट, नेपाल सुटिङ्ग संघका अध्यक्ष पुष्पदाश श्रेष्ठ, भारोत्तोलन संघका अध्यक्ष रामबोस श्रेष्ठ, नेपाल बास्केटबल संघका कार्यबाहक अध्यक्ष भिमसिंह गुरुङ्ग लगायतले पुरस्कार वितरण गरेका थिए।
तीन दिने प्रतियोगितामा प्रदेश १, बागमती प्रदेश, गण्डकी प्रदेश, सुदूरपश्चिम प्रदेश, नेपाली सेना, एपिएफ गरि ६ टिमको सहभागिता रहेको थियो भने १२ स्वर्ण पदकका लागि ११४ खेलाडीहरुले प्रतिस्पर्धा गरेका थिए।
