काठमाडौ । प्रतिनिधिसभा निर्वाचनमा १ सय ६२ जना निर्वाचित हुँदा १० उम्मेदवार जम्मा २ सय मतभन्दा कम मतान्तरले पराजित भएका छन् ।
प्रदेशगत हिसाबले हेर्दा प्रदेश नं १ बाट पाचँथर-१ मा नेकपा (एमाले) का वसन्तकुमार नेम्वाङले ४६ मतले नेपाली कांगे्रसका भीष्मराज आङदेम्वेलाई, इलाम-२ मा एमालेका सुवासचन्द्र नेम्वाङले एक सय १४ मतले कांग्रेसका डम्बरबहादुर खड्कालाई, सुनसरी-४ मा कांग्रेसका ज्ञानेन्द्रबहादुर कार्कीले १ सय १२ मतले एमालेका जगदीशप्रसाद कुसियैतलाई पराजित गरेको छ ।
मधेस प्रदेशबाट धनुषा-२ मा कांग्रेसका रामकृष्ण यादवले १ सय ५७ मतले एमालेका उमाशङ्कर अरगरियालाई, धनुषा-४ मा एमालेका रघुवीर महासेठले १ सय २४ मतले कांग्रेसका महेन्द्र यादवलाई, पर्सा-३ मा एमालेका राजकुमार गुप्ताले १ सय ६७ मतले कांग्रेसका सुरेन्द्रप्रसाद चौधरीलाई पराजित गरेको छ ।
बागमती प्रदेशबाट काठमाडौँ-१ मा कांग्रेसका प्रकाशमान सिंहबाट १ सय २५ मतले राष्ट्रिय प्रजातन्त्र पार्टीका रवीन्द्र मिश्र पराजित भएको छ। लुम्बिनी प्रदेशबाट दाङ-२ मा नेकपा (माओवादी केन्द्र)का रेखा शर्माले १ सय ९३ मतले एमालेका शङ्कर पोख्रेललाई, बर्दिया-२ मा स्वतन्त्रबाट लालवीर चौधरीले १ सय ३६ मतले नेकपा (माओवादी केन्द्र) का सुरेश पन्थलाई पराजित गरेको छ ।
कर्णाली प्रदेशबाट दैलेख-२ कांग्रेसका दिक्पालकुमार शाहीले १ सय ६७ मतले एमालेका लक्ष्मीप्रसाद पोखरेललाई पराजित गरेको छ ।
समग्रमा पार्टीगत हिसाबले हेर्दा एमालेबाट ४, कांग्रेसबाट ४, माओवादी केन्द्रबाट १, राष्ट्रिय प्रजातन्त्र पार्टीबाट १ जना दुई सयभन्दा कम मतान्तरले पराजित भएको छ ।
प्रकाशित मिति: बिहीबार, मंसिर १५, २०७९ १९:३७
