काठमाडाै । बर्षेनी आयोजना गरिंदै आइरहेको रक्तदान यसवर्ष पनि कोटेश्वर चोकमा विशेष रक्तदान कार्यक्रम तथा नि:शुल्क स्वास्थ्य शिविर कार्यक्रम आयोजना गरि सम्पन्न गरिएको छ ।
नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यको विशेष उपस्थितिमा कोटेश्वर व्यावसायिक संघद्वारा आयोजित विशेष रक्तदान तथा नि:शुल्क स्वास्थ्य शिविर कार्यक्रम सम्पन्न भएको हो ।
रक्तदान तथा नि:शुल्क स्वास्थ्य शिविर कार्यक्रम शुभ सुधा डेण्टल केयर होम, अनमोल आयुर्वेद सेवा प्रा लि र एस डेण्टल प्रा लि को संयुक्त सह-आयोजनामा भएको हो ।
संघका उपाध्यक्ष गोरख बहादुर थापा, संघका निवर्तमान अध्यक्ष सरोज थापा र शुभ सुधा डेण्टल केयर होमका सञ्चालिका सुधा बरालले नेपाल स्वयंसेवी रक्तदाता समाजका केन्द्रीय अध्यक्ष एवम् स्वयंसेवी शतक रक्तदाता प्रेमसागर कर्माचार्यलाई खादा ओढाएर सम्मान गरिएको थियोे ।
सो कार्यक्रममा महिला तथा पुरूष गरि जम्मा ४३ जनाले रक्तदान गरेको थियोे भने १ सय ५० जनाले निस्शुल्क स्वास्थ्य परिक्षण गरि स्वास्थ्यलाभ लिएको थियोे ।
प्रकाशित मिति: शनिबार, पुस ९, २०७९ १०:२०
