काठमाडौ । नेपाली संगीतमा प्रेम र विछोडले बेजोड मिठासपन भरेको अनप्लग्ड भिडियो “कहिले काहिँ मैले कागजकाे टुक्रामा” सार्वजनिक भएको छ।
गीतसंगीत क्षेत्रमा प्रख्यात गायक प्रताप सुब्बाले आफ्नो नवीनतम सिर्जनालाई नयाँ वर्षको आरम्भसँगै नयाँ उर्जाकासाथ “कहिले काहिँ मैले कागजकाे टुक्रामा” भिडियाेलाई सांगीतिक बजारमा ल्याएको हो।
सार्वजनिक भएको यस गीतले छोटो समयमा नै स्रोतामाझ गहिरो प्रभाव छोड्न सफल भएको छ भने प्रेम, विछोड र समर्पणका भावनाहरु गहिरो रूपमा उजागर गरेकाे पाइन्छ। यस गीतमा प्रताप सुब्बाले सन् १९७८ तिर भूटानको सर्भाङमा विद्यार्थी जीवनकालखण्ड र साथीभाइसँगको प्रेम सम्झिँदै शब्द रचना गरेका हुन्। संगीत, शब्द र स्वर तीनै पक्षमा प्रताप सुब्बाको गीतमा थप आत्मीयता र मौलिकता थपिएको देखिन्छ।
भिडियो निर्देशन विशाल गुरुङले गरेका छन् भने केदार उप्रेतीले सह-निर्देशकको रूपमा साथ दिएका छन्। सिनेम्याटोग्राफी, सम्पादन र रङ संयोजनमा सुरेन्द्रमान सिंहले आफ्नो कलात्मकता प्रस्तुत गरेका छन्। निर्देशक गुरुङ भन्छन्, “हाम्रो इतिहास र पुस्ताको सम्मानमा सधैं कार्य गर्दै नयाँ पुस्तासम्म पुर्याउने AB Dream को योजना हो।”
गीतमा भायोलिनवादनले विशेष जीवन्तता थपेको छ। मुस्कान बलम्पाकी, सेलेना गुरुङ, येमा चम्लागाईं, ग्रीष्मा खतीवडा, लाकिएशा तामाङ, प्रिशा गुरुङ, जेनी गुरुङ र दक्षिणा सुनुवारले आफ्नो प्रतिभाबाट गीतलाई अझ सजीव बनाएका छन्।
संगीत संयोजनमा Flamingo Band का सदस्यहरू रत्न गुरुङ, ज्याक लोजा गुरुङ, साइमन छेत्री, सुसान्त राई, लोकेश गुरुङ, दीपक गुरुङ, ग्रीश (तमु) गुरुङ, विमान रेम्जग र धनपति शिवाकोटीले महत्वपूर्ण योगदान दिएका छन् भने ध्वनि सम्पादनको जिम्मेवारी धन राईले सम्हालेका छन्।
त्यस्तैगरी, संगीत संयोजन सञ्चिब बराइलीले गरेका हुन् भने रेकर्डिङ तथा भोकल व्यवस्थापन मनिश मिलन चाम्लिङले सम्हालेका छन्, जसले गीतको भावनात्मक गहिराइ अझै प्रखर बनाएको छ।गीतको छायांकन एभरेस्ट स्पाइस मास्क बार र शाङ्ग्रिला हिबाची सुशी इन्डियन–नेपाली रेस्टुरेन्टमा सम्पन्न गरिएको हो ।
यस परियोजनामा राम गुरुङ, धन लेप्चा, कृष्ण रिजाल, नरेश मैनाली, खडानन्द अधिकारी, मुक्तिराज गुरुङ, जीवन गुरुङ, रोनन सुब्बा लगायत अन्य सहयोगीहरूको महत्त्वपूर्ण योगदान रहेको छ।गायक प्रताप सुब्बाले भनेका छन्, “यो गीत मैले १९७८ तिर विद्यार्थी जीवन र साथीभाइको प्रेम सम्झिँदै लेखेको हुँ।”
“कहिले काहिँ मैले कागजकाे टुक्रामा” गीतले नेपाली संगीतमा प्रेम, विछोड र समर्पणको गहिरो मिठास भरेको छ। यसले भविष्यमा नेपाली संगीतमा मौलिकता र भावनात्मकता थप्ने सम्भावनालाई अझ बलियो बनाएको छ।
