उदयपुर । उदयपुरको वेलका नगरपालिकाले आज एक विशेष कार्यक्रमको आयोजना गरि 'उत्कृष्ट प्रधानअध्यापक' सम्मर राईलाई सम्मान गरेको छ।
नगरपालिकाले जनता नमूना मावि गुरुङ्चौरीका प्रधानअध्यापक राईकाे विशिष्ट याेगदानकाे उच्च मूल्याङ्कन गर्दै उत्कृष्ट प्रधानअध्यापक घाेषणा गरि दोसल्ला ओढाई कदर पत्रद्वारा सम्मान गरेको हो।
यसरी सम्मानित गरेकाेमा विद्यालय परिवारको तर्फबाट नगर प्रमुख अशोक कार्की, उप प्रमुख जिरा राई, वडाअधक्ष्य तिर्थराज अधिकारी, प्रमुख प्रशासकीय अधिकृत, शिक्षा शाखा प्रमुख हरि कट्टेलप्रति हार्दिक कृतज्ञता व्यक्त गरेकाे छ।
त्यस्तैगरी, वेलका नगरपालिकाले आधारभूत तह (८) को २०८१ को अन्तिम परीक्षामा सामुदायिक तर्फबाट विद्यालयका सिमन गुरुङ्ग र सौजन शासंकरले प्रथम स्थान ल्याएकोमा नगरप्रमख, उप प्रमखको उपस्थितिमा नगद रकम सहित सम्मान गरेको छ।
प्रधानअध्यापक राईले जनता नमूना मावि गुरुङ्चौरीको पद सम्हाले लगत्तै विद्यालयकाे आमूल परिवर्तनका खाकाहरु कोरेका थिए। जसअन्तर्गत विद्यालयको भौतिक संरचनादेखि विद्यार्थीहरुको शैक्षिकस्तरमा गुणस्तरीय शिक्षालाई विशेष जोड दिँदै आएका छन्। साथै विद्यालयको आधारभूत शिक्षा तहदेखि उच्च शिक्षा तहसम्मका लागि विभिन्न योजनाबद्ध तवरले सञ्चालन गर्दै आइरहेका छन् ।
विद्यार्थी, विद्यालय, अभिभावक र समाजका लागि अहोरात्र खटिने प्रधानअध्यापक राई वौद्धिक गुणले भरिपूर्ण अनुशासित र नैतिक चरित्रवान अनि हक्की स्वभावका छन् । यसैकाे उदाहरण हाे आज नगरपालिकाले उत्कृष्ट प्रधानअध्यापक घाेषणा गरी राईलाई उच्चसम्मान प्रदान गरेकाे हाे।
त्यसैको फलस्वरुप जनता नमूना मावि गुरुङ्चौरीले वर्षेनी शैक्षिक क्षेत्रमा गुणस्तरीय फड्को मार्दै आइरहेका छन्। अहिले वेलका नगरपालिका लगाएत उदयपुर जिल्लाभरिकै एक नमूना विद्यालय जनता नमूना मावि गुरुङ्चौरी उत्कृष्ट शैक्षिक प्रतिष्ठानकाे रुपमा स्थापित भइसकेका छन्।
प्रकाशित मिति: आइतबार, असार २२, २०८२ २२:११
