काठमाडौ। नेपाली बाम आन्दोलन फुटजुट र फेरि फुट हुँदै नेकपा एमाले चोइटियर नेकपा समाजवादी दलको मान्यता पाएपछि निर्वाचन आयोगले २१ दिनभित्र स्थानीय तहका जनप्रतिनिधिलाई दल छनौटको अवसर दिएको छ।
दल फुटको प्रभाव केन्द्रदेखि स्थानीय तहसम्म पर्ने अवस्थालाई आँकलन गर्दै बागमती प्रदेशको मुख्य मन्त्री बनेकी अष्टलक्ष्मी शाक्यको गृहनगर नागार्जुन नगरपालिकामा दलफूटको असर र जनप्रतिनिधि को कता ? भन्ने चिन्ता र चासो स्वंयम जनप्रतिनिधिहरुमा छन् भने जनतालाई पनि आफना जनप्रतिनिधि को कता ? भन्ने चासो हुने नै भयो।
काठमाडौ जिल्लाको उत्तर पश्चिममा रहेको नागार्जुन नगरपालिका वडा नं ३ स्वयम्भूमा बागमती प्रदेशको मुख्य मन्त्री अष्टलक्षमीको निवास रहेको छ। यो नगरपािलकामा सङ्घीय संसद् प्रतिनिधिसभा ३ वटा निर्वाचन क्षेत्र प्रदेशसभामा ६ वटा निर्वाचन क्षेत्र रहेको छ।
निर्वाचन क्षेत्र नं ७ का सांसद माननीय रामविर मानन्धर, क्षेत्र नं ९ का कृष्णगोपाल श्रेष्ठ एमालेमा छन् भने क्षेत्र न. ८ का जीवनराम श्रेष्ठ नेकपा एकिकृत समाजवादीमा गएका छन्।
प्रदेश माननीय ६ जना अष्टलक्ष्मी शाक्य, प्रकाश श्रेष्ठ, केशव पोखरेल डा. अजय क्रान्ति शाक्य, राजेश शाक्य एमाले मा र एकजना बसन्त मानन्धर मात्र नेकपा एकिकृत समाजवादीमा गएका छन्।
नागार्जुन नगरपालिकामा उपमेयर सुशिला अधिकारी, वडा अध्यक्ष ४ जना सहित ३१ जना जनप्रतिनिधि सबै एमालेमा छन्।
यसरी जनप्रतिनिधिको अवस्थालाई हेर्दा बागमती प्रदेश मुख्य मन्त्री शाक्यको गृह नगर नागार्जुनका सबै जनप्रतिनिध एमालेमै रहेको देखिन्छ। यस अवस्थालाई विश्लेषण गर्दा नेकपा समाजवादीको प्रभाव खासै छैन भन्दा पनि हुने अवस्था रहेको छ।
प्रकाशित मिति: आइतबार, भदौ १३, २०७८ १६:३२
