काठमाडौ । कोरोना भाइरस सङ्क्रमणका कारण बन्द रहेको मनकामना केबलकार आजदेखि सञ्चालनमा आएको छ।
आजदेखि मनकामना मन्दिर खुलेसँगै केबलकार पनि सञ्चालनमा आएको हो। स्वास्थ्य सुरक्षा मापदण्ड पूर्णपालना गर्ने गरी केबलकार सञ्चालनमा ल्याएको मनकामना दर्शन प्रा लि का नायब महाप्रबन्धक उज्वल शेरचनले जानकारी दिएका हुन्।
आज बिहानबाट केबलकार सञ्चालनमा आएको उनले जानकारी दिए। यात्रुलाई स्वास्थ्य सुरक्षा मापदण्ड पूर्णरुपमा पालना गर्न पनि मनकामना दर्शन प्रालिले आग्रह गरेको छ।
गोरखाको शहिदलखन गाउँपालिकामा अवस्थित प्रसिद्ध धार्मिकस्थल मनकामना मन्दिर दर्शन गर्न जान सहजताका लागि सञ्चालनमा ल्याएको मनकामना केबलकारको प्रवेशद्वार (बटम स्टेशन) चितवनको ईच्छाकामना-४ चेरेसमा रहेको छ।
प्रकाशित मिति: बुधबार, भदौ २३, २०७८ १३:१०