काठमाडौ । काठमाडौको प्राचिन सहर टोखामा अवस्थित श्री भगवती क्लबको ३१औं साधारणसभा सम्पन्न भएको छ।
युवाहरुलाई खराव बाटोबाट सहि मार्गमा हिड्न अभिप्रेरित गर्ने उद्धेश्यले २०४७ सालमा स्थापित क्लबले सामाजिक रुपान्तरका साथै खेलकुद बिशेषत फुटबलमा अगाडी बढाउँदै आईरहेको छ।
क्लबले साधारण सभाको अवसरमा आफ्नो क्लबबाट विभिन्न समयमा खेल खेलेका पुराना खेलाडीहरुलाई प्रशंसा पत्रबाट सम्मान गरिएको थियो।
टोखा नगरपालिकाका मेयर प्रकाश अधिकारीले प्रशंसा पत्रबाट सम्मान गरेका थिए भने एन्फाद्वारा सञ्चालन गर्न लागिएको शहिद स्मारक बी डिभिजन फुटबल प्रतियोगितामा प्रतिस्पर्धा गर्ने खेलाडीहरुलाई खेल पोशाक तथा किड समेत प्रदान गरिएको थियो।
क्लबले विभिन्न समयमा देशमा देखापरेका आपत बिपतका बेला नगरबासीका साथै नेपाली नागरिकहरुलाई आवश्यक स्वास्थ्य तथा अन्य सहयोग पुर्याउनुका नगरबासीलाई सामाजिक सचेतना, सिपमूलक तथा आर्य आर्जन सम्वन्धी तालिमहरु प्रदान गर्नुका साथै युवाहरुलाई गलत बाटोबाट जोगाउन खेलकुद तर्फ आकर्षण गर्ने उद्धेश्यले विविध खेलकुदहरुको आयोजना गर्दै आईरहेको छ।
नेपालकै पहिलो धावक एवं टोखा नगरका प्रधानपञ्चको रुपमा नेतृत्व गरिसकेका स्व. गजराज जोशीसंग जोडिएको सहरको क्लबले खेलकुदमा बिशेषत पहिलो स्थानमा फुटबललाई राखेको छ।
डि डिभिजनबाट सि हुँदै बी डिभिजनमा पुगको क्लबले दुई पटक उपबिजेताको रुपमा आफुलाई उभ्याउन सफल भएको छ। यस पटक क्लबले ए डिभिजनको यात्रा तय गर्ने लक्ष राखेको क्लबको अध्यक्ष ईन्द्रराज जोशीले जानकारी गराए।
भगवती क्लबलाई टोखा नगरपालिकाको साथ
काठमाडौको उत्तरीभेगको प्राचिन सहरको एक मात्र एन्फा बी डिभिजन क्लब श्री भगवती क्लबलाई टोखा नगरपालिकाले साथ दिएको छ।
एन्फाको बी डिभिजन क्लबलाई प्रतियोगिताका लागि नगरपालिकाले नगद २० लाख सहयोग गरेको मेयर प्रकाश अधिकारीले जानकारी गराए।
क्लबको ३१औं बार्षिकोत्सवको अवसरमा बोल्दै मेयर अधिकारीले आफ्नो कार्यकाल लम्विएको खण्डमा यस रकममा बृद्धि गरि अर्को बर्षदेखि ५० लाख पुर्याउने समेत बताएका थिए।
यसका साथै क्लबलाई नगरपालिकाभित्र रहेको ११ वडा मध्ये ४ र ५ वडा बाहेक अन्य वडाहरुले नगद तथा खेल पोशाकको सहयोग गरेको छ।
समष्टिगत रुपमा नगरपालिकाले टोखाको एक मात्र एन्फा बी डिभिजन क्लबलाई टोखा नगरकै अपनत्व प्रदान गरेको क्लबका अध्यक्ष ईन्द्रराज जोशीले बताए।
क्लबलाई बी डिभिजन प्रतियोगितामा सहभागिता तथा प्रतिस्पर्धाका लागि अन्य संघ संस्थाले पनि सहयोग गरेको क्लबका पूर्व अध्यक्ष एवं नेपाल लोकतान्त्रीक खेलकुद संघका केन्द्रिय सदस्य रमेश नापितले जानकारी गराए।
आजबाट सुरु भएको प्रतियोगिताको पहिलो खेलमा भगबती क्लबले सुखद शुरुवात गरेको छ भने प्रतियोगिताकै पहिलो खेलमा झम्सिखेल क्लबलाई ३–१ गोल अन्तरले पराजित गर्दै बिजयी शुरुवात गरेको हो।
प्रकाशित मिति: बुधबार, फागुन १८, २०७८ १५:३५
