काठमाडौैैै । स्थानीय तह सदस्य निर्वाचन-२०७९ को कार्यक्रमअन्तर्गत यही वैशाख ११ र १२ गते परेका उम्मेदवारी मनोनयन दर्तामा हालसम्म १ लाख ५२ हजार ४६५ जनाको विवरण सङ्कलन भएको छ ।
यही वैशाख ३० गते हुने निर्वाचनमा ३५ हजार २२१ पदका लागि मतदान हुँदैछ ।
निर्वाचन आयोगको प्रणालीमा आज साँझसम्म प्रविष्ट भएको विवरणअनुसार दलगत र स्वतन्त्रसहित गरी प्रमुखमा ३ हजार ४९४, अध्यक्षमा ३ हजार ३८७, उपप्रमुखमा २ हजार ५६, उपाध्यक्षमा २ हजार एक, वडाध्यक्षमा ३५ हजार २५६ र सदस्यमा ५५ हजार ४७१ जनाको उम्मेदवारी परेको छ ।
आयोगको सूचना तथा प्रविधि शाखाका अनुसार छुटपुट भएका र विवरण सच्याइएका तथ्याङ्क प्रणालीमा प्रविष्ट हुने क्रम जारी रहेको छ ।
प्रकाशित मिति: बिहीबार, वैशाख १५, २०७९ ०७:५९
