उदयपुर । उदयपुरगढी गाउँपालिकाको अध्यक्षमा मानबहादुर केप्छाकी मगर निर्वाचित भएका छन्।
सत्ता गठबन्ध एकीकृत समाजवादीका उम्मेद्वार बनेका केप्छाकी मगरले निकटतम् प्रतिस्पर्धी नेकपा एमालेका गोपालबहादुर खत्रीलाई ८ सय २८ मतले हराउदै निर्वाचित भएको हो।
अध्यक्षमा निर्वाचित केप्छाकी मगरले ४ हजार ९ सय ४२ मत प्राप्त गर्दा खत्रीले ४ हजार १ सय १४ मत मात्र प्राप्त गरेका थिए।
यस्तै उपाध्यक्षमा नेकपा एमालेकी शोभा कुमारी मगरलाई हराउदै कांग्रेसका जितबहादुर खड्का निर्वाचित भएका छन्।
उपाध्यक्षमा निर्वाचित खड्काले ४ हजार ६ सय ४८ मत ल्याउँदा नेकपा एमालेकी शोभा कुमारी मगरले ३ हजार ८ सय ६३ मात्र मत प्राप्त गरेकी थिइन् ।
प्रकाशित मिति: सोमबार, जेठ २, २०७९ २०:३८
