जनकपुर । मिथिला नगरपालिकाको प्रमुखमा नेपाली कांग्रेसका उम्मेदवार विजयी भएका छन् ।
कांग्रेसबाट प्रमुख पदका उम्मेदवार महेन्द्र महतो ९१ मतान्तरले निर्वाचित भएको छ ।
निर्वाचित महतोले ७ हजार ३१ मत प्राप्त गरेको छ भने उनका निकटतम् प्रतिद्वन्द्वी नेकपा (एमाले)का राजाराम महतोले ६ हजार ९ सय ४० मत प्राप्त गरेका थिए।
त्यसैगरी उप प्रमुख पदमा भने एमालेका उम्मेदवार सुनिता सिंह बुढाथोकी निर्वाचित भएकी छन् । उनले आफ्ना निकटतम् प्रतिद्वन्द्वी कांग्रेसका उम्मेदवार निर्मला कोइरालालाई ६ सय ७९ मतान्तरले पराजित गरेका छन् ।
उप प्रमुख पदमा निर्वाचित भएका बुढाथोकीले ७ हजार ४ सय १४ मत प्राप्त गरेको छ भने कांग्रेसका कोइरालाले ६ हजार ७ सय ३५ मत पाएको छ ।
विसं २०७४ को चुनावमा मिथिला नगरपालिकामा प्रमुख र उप प्रमुखसहित बहुमत वडा अध्यक्ष एमालेले जितेको थियो ।
एघार वडा रहेको सो नगरपालिकामा यसपटक ५ वडामा एमाले, चारमा कांग्रेस र २ वडामा एकीकृत समाजवादीले जितेको छ ।
प्रकाशित मिति: शुक्रबार, जेठ ६, २०७९ १५:४१
