ललितपुर । ललितपुर महानगरपालिकाको प्रमुखमा दोस्रो कार्यकालका लागि नेपाली कांग्रेसका चिरीबाबु महर्जन निर्वाचित भएको छ।
प्रमुखमा निर्वाचित महर्जनले ४२ हजार ७ सय २२ मत पाएको छ भने उनका निकटतम् प्रतिद्वन्द्वी एमालेका हरिकृष्ण ब्यञ्जनकारले २४ हजार ५ सय ६० मत प्राप्त गरेका छन् ।
नगर उप-प्रमुख पदमा नेकपा (एमाले) की मञ्जली शाक्य विजयी भएको छ । नगर उप-प्रमुखमा शाक्य २५ हजार ८५ मत ल्याएर विजयी भएको हाे। उनका निकटतम् प्रतिद्वन्द्वी नेकपा (माओवादी केन्द्र)का बाबुराज बज्राचार्यले १८ हजार ७ सय ५२ मत पाएको छ ।
महानगरका २९ वडामध्ये कांग्रेस र एमाले ११–११ वडामा विजयी भएका छन् । नेकपा (माओवादी केन्द्र) ३, नेकपा (एकीकृत समाजवादी) २ र स्वतन्त्र उम्मेदवार २ वडा अध्यक्षमा विजयी भएका छन्।
कांग्रेसबाट वडा–४ मा सन्तोष खड्का, ६ मा रुपेन्द्रराज शाक्य, ७ मा कुलबहादुर महर्जन, ८ मा बाबुरत्न महर्जन, ९ मा राजु महर्जन, १० मा रविन व्यञ्जनकार, ११ मा अरोजकुमार खड्गी, १४ मा अमृतजङ्ग महत, १६ मा निर्मलरत्न शाक्य, २० मा चन्द्र महर्जन र वडा–२८ मा गणेशकुमार महर्जन विजयी भएको छ।
एमालेबाट वडा–५ मा विकासमान श्रेष्ठ, १२ मा नारायणलाल अवाले, १५ मा सुरेश शाही, १७ मा विनोद महर्जन, १८ मा दामोदर खड्का, १९ मा राजेन्द्र महर्जन, २२ मा सागर तुलाधर, २३ मा जीवन महर्जन, २४ मा दिनेशजङ्ग पाण्डे, २५ मा दौलतकुमार खत्री र २९ मा गणेशकुमार महर्जन विजयी भएको छ ।
यस्तै माओवादी केन्द्रबाट वडा–२१ मा रवीन्द्र महर्जन, २६ मा सुरेश महर्जन र २७ मा कृष्णहरि महर्जन विजयी भएको छ । एकीकृत समाजवादीबाट वडा–२ मा राजेशकुमार महर्जन र ३ मा श्रीगोपाल महर्जन विजयी भएको छ।
वडा–१ मा स्वतन्त्र उम्मेदवार निर्मल तण्डुकार र वडा–१३ मा गणेश केसी विजयी भएको छ। गणना सुरु भएको ११ दिनपछि अन्तिम नतिजा सार्वजनिक भएको हो ।
प्रकाशित मिति: बुधबार, जेठ ११, २०७९ ०७:५०
